«لو مش جامد ملكش لازمة».. عمرو أديب يعلق على أحداث فنزويلا
علق الإعلامي عمرو أديب على الأوضاع في فنزويلا، قائلا:" إن الدلتا فورس دول إخواتي، ومعنديش مشكلة معاهم، ويبدو إن محدش هيغير أي وضع إلا بالقوة، عندك أي مشكلة مع حد مش بتتغير إلا بالقوة".
إحنا في عصر لو أنت مش جامد ملكش لازمة
وأضاف خلال تقديمه برنامج الحكاية، والمذاع عبر قناة إم بي سي مصر:"إحنا في عصر لو أنت مش جامد ملكش لازمة، ومش شرط تكون أقوى من خصمك، بس لازم تعوره".
تكلم الإعلامي عمرو أديب عن دور أجهزة المخابرات في عملية فنزويلا، قائلا: العمليات دي انسى موضوع الطيارات، الحكاية كلها في الظباط، وطلع إنهم شغالين من أغسطس اللي فات، فيه ظابط من جوه القصر، الراجل جوه كان متشاف هو موجود فين وهو جوه، الراجل ده كان فيه طيارة ماشية معاه "درونز" شبحية لا ترى.
الناس دي كانوا عارفين القصر أوضة أوضة
وأضاف خلال تقديمه برنامج الحكاية، والمذاع عبر قناة إم بي سي مصر:"الناس دي كانوا عارفين القصر أوضة أوضة، ومشيوا جواه، الراجل متباع نظمي رسمي".
وتابع: "العاصمة والقصر متغلف بأسلحة دفاع جوي روسية وصينية ولم ترى شئ، صرف دم قلبه، علشان يحمي نفسه، العملية اتعملت في ساعة ونص، سلملي على الدلتا فورس".
وقال الإعلامي عمرو أديب: أنا مش سعيد أوي باللي حصل في فنزويلا، لكن حالة الانبهار ان الراجل اتاخد هو ومراته من على السرير، وهيتعمل فيلم وهيكون اسمه مادورو.
وأشار، إلى أن هذا أمر ضد القانون الدولي، ومجلس الأمن ما اتكلمش، ولوعندنا حصل حاجة، كنت لقيت مجلس الأمن والجمعية العامة للأمم المتحدة، قعدوا يتكلموا.
وتابع:" العالم يرى أبو حنان يتحرك ويصفق ويسكت ومحدش فتح بقه، ده تحذير لدول تاني زي ايران وروسيا وكولومبيا، هدفه اضرب السايب يخاف المربوط، فين المؤيدين للرئيس.
وأضاف:" الراجل بيلعب في الحديقة الخلفية للبيت الأبيض، هو في أوقات كثيرة لا يعرف يغير نظام وقتما يريد، مين يقدر يقول للرئيس ترامب.. كده غلط".
وفي وقت سابق، قال الرئيس الأمريكي دونالد ترامب إن القوات الأمريكية نفذت، صباح اليوم، عملية عسكرية واسعة النطاق داخل فنزويلا، واصفًا إياها بأنها هجوم غير مسبوق لم يشهد العالم مثله منذ الحرب العالمية الثانية.
