أحمد شوبير: الضغط الجماهيري مش مقياس.. والفلوس أزمة حقيقية

أكد الإعلامي أحمد شوبير أن حالة الجدل المثارة حول ملف الصفقات داخل النادي الأهلي مبالغ فيها بشكل كبير، مشددًا على أن إدارة التعاقدات لا يجب أن تدار تحت ضغط الجماهير.

وقال أحمد شوبير في تصريحات إعلامية : بصراحة، في حالة مبالغة واضحة في الضغط على إدارة الأهلي بسبب ملف الصفقات، وكأن التعاقدات بقت مطلب دائم بغضّ النظر عن احتياجات الفريق الفعلية. المشكلة إن الضغوط دي أحيانًا بتأثر على قرارات الإدارة، رغم إنهم الأدرى بمتطلبات الفريق وما يحتاجه فنيًا.

وتابع : الإدارة المفروض تشتغل وفق رؤية المدير الفني وخطة واضحة، مش استجابة لصوت السوشيال ميديا. كمان مش منطقي إنك تتعاقد مع عدد كبير من اللاعبين كل موسم وتنسى العناصر اللي حققت نجاحات قبل كده.

وأكد : الأهلي محتاج ظهير أيسر ومهاجم، ده حقيقي، لكن الأزمة الأساسية هي الفلوس. خزينة النادي مش مفتوحة زي ما البعض متخيل، خصوصًا بعد خسارة قرابة 8 ملايين دولار نتيجة عدم الفوز بدوري أبطال أفريقيا وعدم المشاركة في الإنتركونتيننتال.

وأتم : النادي بيحاول يعوض ده من خلال الرعايات والعضويات، لكن العائد مش زي زمان. دي حقائق لازم تتقال، بعيدًا عن العاطفة والضغوط.