نفسي أمثل ولبسي محدش يعرف يلبس زيه .. أبرز تصريحات حمو بيكا في لايف فيسبوك
كشف مطرب المهرجانات حمو بيكا، في أول لايف عبر فيسبوك، جاء بعد الإفراج عنه في اتهامه بحيازة سلاح أبيض، عن طموحاته المهنية، حيث أشار إلى أمنيته بدخول عالم التمثيل وتقديم بطولة عمل فني جديد.
حمو بيكا في أول لايف بعد الإفراج عنه
وقال حمو خلال اللايف : "الحمد لله أزمة وعدت .. ويارب ما يكتبها على أي حد خالص .. الحرية حلوة وياريت كل واحد ماشي في الغلط يرجع عنه .. وخليك ماشي صح .. علشان بلدنا حلوة .. ولازم كلنا نبقى حلوين".
نفسي أمثل
وتابع حمو بيكا : “أنا نفسى أمثل .. بس مش شايف لا مخرج ولا منتج .. هما كلهم دلوقتى مشغولين فى مسلسلات رمضان .. ربنا يكرمنا بمنتج ولا مخرج ياخدني نعمل بطولة .. عشان أنا جبت أخري .. كمان فى ممثلين كبرت .. والمفروض يطلعوا ناس جديدة”.
حمو بيكا يرد على اتهامه بتدمير جيل كامل بسبب ملابسه وأغانيه
كما أعرب بيكا عن غضبه من أحد المتابعين بسبب تعليقه أنه كان السبب في دمار جيل كامل بسبب أغانيه وملابسه، ليرد حمو قائلًا : "أنا مدمرتش جيل كامل .. ليه يعني ؟ .. اللبس ده أنت متعرفش تجيبه أصلا .. يا أما نفسك تجيبه بس معلش يا حول الله يارب .. إحنا كلنا ولاد ناس ومتربيين .. إحنا مش سرسجية".
بندم إني مبعرفش أقرأ وأكتب
وتطرق حمو بيكا كذلك إلى عدم تمكنه من القراءة والكتابة، مشيرًا إلى ندمه الشديد على هذا الأمر، حيث قال : “أنا بندم دلوقتى إني مبعرفش أقرأ وأكتب .. كل واحد معاه شهادة يروح يبوس إيد أمه وأبوه .. زي ما أنا ببوس إيد أمي وأبويا عشان طلعوني راجل .. ومش ببص لحاجة مش بتاعتي”.
أول تعليق من حمو بيكا بعد الإفراج عنه
يُذكر أن مطرب المهرجانات حمو بيكا، كان قد علق منذ أيام قليلة، على قرار الإفراج عنه من خلال حسابه الرسمي على إنستجرام ، حيث نشر صورة له من داخل منزله، وكتب : "الحمد لله دايمًا .. أي نجاح أو خطوة لقدام سببها دعمكم وحبكم .. اللي جاي إن شاء الله أحسن .. وربنا ما يحرمنيش منكم"، وتفاعل متابعي حمو وقتها بشكل كبير مع المنشور.
