فبركوا تصريحاتها.. نهاد أبو القمصان تحرر 30 بلاغا ضد حسابات السوشيال ميديا
أكدت المحامية الحقوقية نهاد أبو القمصان على تقديمها 30 بلاغا ضد حسابات على مواقع التواصل الاجتماعي، بسبب فبركتها تصريحات على لسانها، خلاف الحقيقة.
وقالت أبو القمصان في فيديو نشرته عبر حسابها على انستجرام: كل سنة وأنتم طيبين لأصحابي المسيحيين، اللي فضروا في 25 ديسمبر، واللي هيفطروا في 7 يناير، أنا مستنية الكحك، وعايزة أشكر كل متابعيني، على دعمكم، زي ما أنا بقف معاكم في أي مشكلة.
وتابعت نهاد أبو القمصان، أنا بشكرك على دفاعكم عني، والصفحات اللي بتفبركلي تصريحات ، بشوف ردكم عليهم، وتكذيبهم، وأنا عايزة أقولكم أني عملت حوالي 30 بلاغ ضد صفحات على مواقع التواصل الاجتماعي.
وأردفت في صفحات محترمة بنحذرها فيبتعتذر، ويحذفوا منشوراتهم المضللة، وفيه ناس بتصر، فبنعمل ضدهم بلاغات، والمشكلة أن القضية لما تنزل جلسة بيبكوا ويدبدوا في الأرض.
واختتم المحامية الحقوقية حديثها قائلة: يا رب السنة الجديدة تكون أحسن والحمد لله على نعمة المشاكل اللي بنقدر عليها ونحلها.
وعلى صعيد آخر تساءلت الحقوقية نهاد أبو القمصان عن إمكانية إطلاق حملة لتنظيف وسائل التواصل الاجتماعي من خطاب العنف ضد المرأة، مشابهة لحملة تنظيف تيك توك التي أطلقتها وزارة الداخلية.
وكتبت أبو القمصان في منشور عبر موقع "إنستجرام": "سؤال؟، مش ان الاوان الداخلية تعمل حملة تنضيف السوشيال مديا من خطاب العنف ضد البنات والستات زى حملة تنضيف التيك توك؟ والنيابة العامة ترصد الخطاب العنيف زى ما بترصد مخالفة قيم المجتمع؟".
وتابعت: "انا بحمل الدولة المسئولية الاولى والكاملة عن العنف الممنهج ضد البنات والسيدات فى مصر وادينا شايفين راجل ضرب مراته فى الشارع وعراها ومحدش تدخل يدافع عنها او حتى يقوله دى ست محجبة عيب".
وأضافت: "دا كدا هتك عرض، لاء، بس من فترة ست تعبانة حطط دماغها على كتف جوزها فى الاتوبيس واخد اتخانق معاهم واعتبر دا قلة حيا مصر كلها وقف من لى دماغها علشان بنت حاطة رجل على رجل".
واختتمت حديثها: "اخبار بتوع الفضيلة والرجولة والاخلاق ايه؟ انا مبحبش لعبة الذكورية الهاشة والهبلة والكلام اللطيف دا، انا بشوف ذكورنا من اقصى اعماق المجتمع وهما مهذبين وكيوت وملتزمين بالقانون خارج مصر وعارفين حدودهم لان برا مصر الدولة والقانون ما بيهزروش، احنا بس قيم الأسرة عندنا بعافية وسوزوى الاردنية هى اللى خرمت الاوزون".
