أنتوا مالكم.. سامح سند يوجه رسالة للمتدخلين في حياة الغير
وجه الإعلامي سامح سند رسالة قوية لجمهوره بسبب تدخل بعض الناس في حياة البعض الأخر، وذلك من خلال مقطع فيديو عبر حسابه الرسمي على موقع تبادل الصور والفيديوهات إنستجرام.
فيديو سامح سند
وقال سامح سند في الفيديو: “ممكن كفاية بجد، ما اللي يتجوز يتجوز واللي يطلق يطلق واللي ينفصل ينفصل، واللي مش عايز يكمل براحته، هو مثلا اللي جه يطلق ده قبل ما يطلق خد رأي حضرتك، هو اللي راحت تتجوز قبل ما تتجوز استشارت مثلا حضرتك، مثلا سألتك على العريس أو هو سألك على العروسة، أنت مالك، ما خلاص هما حريين اللي عايز يتجوز أو يكمل حياته أو ينفصل، ما كل واحد حر، بجد الموضوع بقى عامل بالنسبالي كل ما أفتح سوشيال ميديا الاقي حرق مش طبيعي أن فلان أنفصل عن فلانة، أو فلان اتجوز فلانة، أو فنان هيتجوز فنانة، ما يتجوزوا ولا يتطلقوا ما هما بشر، كل واحد حر في حياته”.
سامح سند: “أنت تقبل يحصل ده معاك"
واستكمل سامح سند حديثه قائلًا: “أنت تقبل اللي كتب الخبر أو نقل الخبر أو اللي عمل شير أنت تقبل أن حد يدخل في حياتك بالطريقة دي، أنت هتحسها لطيفة هتستلطفها، هتحس أنكط مبسوط يعني، مستحيل، ما نسيب الناس في حالها بقى أنا مالي، فلان أتجوز أهلًا، مبروك، فلان انفصل ربنا يكرمك ويعوضك خير ويكتبلك خير في حياتك”.
سامح سند يروج لـ فيلم قصر الباشا
في سياق منفصل، قد روج صانع المحتوى سامح سند بطريقة غير مباشرة لـ فيلم قصر الباشا، حيث فاجأ سامح سند جمهوره بالظهور مع الفنان أحمد حاتم في أحد الفيديوهات، مما زاد من حدة التساؤلات عبر مواقع التواصل الاجتماعي، قبل أن يتضح أن المشاهد التي تم نشرها هي جزء من خطة دعائية للفيلم.
البرومو الرسمي لـ فيلم قصر الباشا
وقد طرحت الشركة المنتجة لفيلم قصر الباشا Ah media production للمنتجة الاء لاشين، الإعلان الرسمي للفيلم، وتم عرضه بدور العرض السينمائي يوم 5 نوفمبر الماضي، وفيلم قصر الباشا، يشهد مشاركة النجمة السعودية سمية رضا بدور باللهجة المصرية، بالإضافة إلى مشاركة الفنان الشاب هيثم زيدان مشارك في بطولة العمل.
