الناس عاوزة تعمل مشاكل .. شيرين رضا ترد على جدل تصريح ابنتها نور عمرو دياب
خرجت الفنانة شيرين رضا، للرد على الجدل الذي أُثير منذ عدة أشهر بسبب تصريح ابنتها نور عمرو دياب، عندما قالت : "أنا بنت شيرين رضا"، حيث اعتقد البعض وقتها أنها تتبرأ من والدها الهضبة.
شيرين رضا ترد على جدل تصريح ابنتها نور عمرو دياب
وقالت شيرين رضا خلال لقائها مع برنامج ET بالعربي : "الناس عاوزة تعمل مشاكل .. وهي كانت مش عارفة تمشي .. وقالولها أنت بنت عمرو دياب .. وهي ردت إنها بنت شيرين رضا كمان .. بس كلمة كمان هي اللي محدش كان عايز يسمعها".
وتابعت شيرين : "وكانت بتقول كده لأنها كان في العرض الخاص للفيلم بتاع أمها .. وقصدها تقول إنها هنا علشانها .. وزعلت وقتها أوي وقالتلي كده بابي هيزعل .. فا قولتلها لأ طبعًا مش هيزعل .. لأنه هو عارف إنك مش ممكن تقصدي إنك بنت شيرين رضا بس".
الناس بتهول المواضيع
واختتمت شيرين رضا : "ده كل اللي حصل .. والناس بتهول المواضيع من غير سبب".
جدل تصريح نور عمرو دياب
وكانت قد تصدرت نور عمرو دياب التريند في يونيو الماضي، بعد أول ظهور لها بمصر منذ فترة طويلة، حيث كانت تدعم والدتها الفنانة شيرين رضا في العرض الخاص لفيلمها في عز الضهر.
وظهرت نور في فيديو خلال تواجدها في العرض الخاص للفيلم، وكان يقول لها أحد الصحفيين أنها تتحدث بالعربية جيدا فهي ابنة عمرو دياب لترد عليه قائلة : "لأ بنت شيرين رضا".
تفاصيل عودة نور عمرو دياب إلى مصر
وكانت قد كشفت الفنانة شيرين رضا، خلال حوارها مع برنامج ET بالعربي كذلك، عن تفاصيل عودة ابنتها نور إلى مصر في أكتوبر 2024، مشيرة إلى أن سنة 2025 كانت سنة سعيدة بالنسبة لها بسبب استقرار ابنتها معها في مصر.
وقالت شيرين رضا : "سنة 2025 كانت لذيذة لأن بنتي نور كانت عايشة معايا في مصر أخيرًا بعد سنين طويلة كانت في لندن .. ووصلت مصر أكتوبر 2024 .. وده بسبب الظروف لأن الستات بيحصلهم حاجات مش كويسة في إنجلترا زي السرقة وحاجات وحشة .. فأنا خايفة عليها كأي أم .. فقولت لها تيجي .. فهي كانت خايفة فقولت لها إرجعي وبعدين لو حبيتي تسافري أي بلد تاني إرجعي .. وبمجرد إنها رجعت مفيش حاجة اسمها سفر .. هقطع الباسبور".
