مسكت إيده.. فتاة توثق تحرش مسن بها داخل ميني بان في القاهرة
زعمت إحدى الفتيات تعرضها لواقعة تحرش في ميني باص ليلة أمس، من قبل أحد الأشخاص مسن، وتمكنت من الإمساك به وتوثيق الواقعة بمقطع فيديو نشرته عبر حسابها على فيسبوك.
وروت الفتاة التي تدعى ندى الشرقاوي تفاصيل الواقعة قائلا: «لأول مرة في حياتي هنزل حاجة زي كده بس لازم من شويه كنت في ميني باص أنا وماما ومروحين و قاعدة قدام و حسيت بحاجه غريبة بتحك فيا وقولت يمكن يتهيألي فاحطيت أيدي لحد ما فعلا لقيته حد بيدخل يده ومسكتها و روحت لفيت و بزعق لقيته راجل كبير فالسن وبيقولي في ايه خلاص و نزلوني نزلوني».
وتابعت الفتاة: « مسكت في وبنت فعلا وقفت واقفة بـ 100 راجل ولا أعرفها ولا شوفتها و الرجالة واقفين مقاموش من مكانهم إلا أما قعدنا نقول لو حد من بناتكم هتسيبو ينزل وموقف سلبي منهم مفيش غير إتنين مسكو فيه».
وأكملت الفتاة :« فالأخر الراجل قعد يمثل ويعمل أنه بيعيط زي ما انتو شايفين و جه حد من الرجالة بيقولي خلاص هو خد جزاته، ودي جمله بجد معرفتش أرد عليها».
وأردفت الفتاة:« بالعافية صورته و فالاخر نزلوا وللمعلومة دي مش أول مره يحصل معايا دا و معرفش أخد حقي و اخويا خد الفيديو و الصور و نزل القسم قالولو لا لازم يكون في مكان الواقعة و إن من الاخر مش هيحصل حاجه و فالحقيقه انا مش عارفه ازاي معايا دا و يحصل دا و ميكنش ليا حق و يضيع عشان معرفتش اخد بياناته و عشان صعب عليهم ومصعبش عليهم بنت قاعده في حالها جنبها مامتها لبسها مش مبين سنتي من جسمها حد يحط ايدو عليها و يعمل كدا».
