دينا الشربيني تكشف قصة فيلم طلقني والتعاون مع آسر ياسين في رمضان 2026 |خاص
كشفت الفنانة دينا الشربيني، تفاصيل فيلمها الجديد طلقني، الذي ينطلق عرضه في السينمات غدًا الأربعاء، ويجمعها بالفنان كريم محمود عبدالعزيز.
دينا الشربيني تكشف حقيقة تشابه فيلمي طلقني والهنا اللي أنا فيه
وقالت دينا الشربيني خلال لقائها مع كاميرا موقع "نيوز رووم" على هامش العرض الخاص لفيلم طلقني : "فيلم طلقني مالوش علاقة خالص بفيلم الهنا اللي أنا فيه .. القصة مختلفة تماماً .. هي قصة إتنين متجوزين ومش على وفاق في آخر الجواز وعندهم أولاد .. وبعدين بتحصل مفاجأة".
تكرار التعاون مع كريم محمود عبدالعزيز
أما عن تكرار تعاونها مع الفنان كريم محمود عبدالعزيز، تابعت : "تكرار التعاون مش بس مع كريم .. ولكن أنا بكرر التعاون مع شركة الإنتاج في فيلم طلقني .. وبصراحة اتبسطت جدًا في أول مرة مع كريم وياسمين في فيلم الهنا اللي أنا فيه".
يارب طلقني يعجب الجمهور
وواصلت : "اعتقد إن الجمهور عجبه الهنا اللي أنا فيه فيارب فيلم طلقني يعجبهم .. وطلقني فيه كوميديا وقصة مختلفة .. وفي النهاية الحكم للجمهور على الفيلم".
دينا الشربيني تتحدث عن تعاونها مع آسر ياسين
أما عن مسلسل اتنين غيرنا، أكملت دينا الشربيني : "متحمسة جدًا وأول مرة أنا وآسر ياسين نشتغل سوا .. ودي حاجة بسطاني أوي .. وكان نفسنا نمثل مع بعض من زمان .. والمرادي بقدم حاجة مختلفة بعد أما كان بقالي 3 سنين بعمل كامل العدد .. بس هنرجعلكم تاني به إن شاء الله".
دينا الشربيني تتحدث عن مسلسلها لا ترد ولا تستبدل
وعن مسلسلها لا ترد ولا تستبدل، قالت : "لسه مخلصة تصوير مسلسل لا ترد ولا تستبدل من يومين .. وكنت في نفس الوقت بصور مسلسل اتنين غيرنا ومازالنا في التصوير".
واختتمت دينا الشربيني : "سعيدة جدًا بردود الأفعال حول مسلسل لا ترد ولا تستبدل .. وقصة المسلسل يارب تأثر في الناس .. وأنا متأثرة جدًا بالحاجات اللي بتتبعتلي".
