مش عايزة وش وكلام.. أول تعليق من ريهام سعيد بعد أزمتها مع العوضي
خرجت الإعلامية ريهام سعيد في أول رد منها على أزمتها مع الفنان أحمد العوضي، وذلك في بث مباشر على حسابها الرسمي على موقع تبادل الصور والفيديوهات إنستجرام.
أول تعليق من ريهام سعيد
وقالت ريهام سعيد معلقة على الأزمة: "مش عايزة وش ولا عايزة قالوا وقولنا.. مش قادرة خالص بجد عندي شغل وعندي عيال وعندي حاجات كتير أوي أهتم بيها بصراحة، عشان خاطري بلاش وش ولا كلام كتير ولا اسمي في أخبار عشان معنديش وقت ولا طاقة لده".
سالي عبدالسلام في الحلقة القادمة مع ريهام سعيد
وكانت مفاجأة البث المباشر هو ظهور الإعلامية سالي عبدالسلام، لتعلن بهذا ريهام سعيد عن استضافتها لها في حلقة الأربعاء المقبل، حيث قالت: “المفاجأة هتكون يوم الأربع الجاي الساعة 9 بليل لقاء العمالقة، مش قادرة أقولكم قد أيه جميلة، فتحت السنة بسالي وهنقفل السنة بسالي، وكمية وصفات وفظيعة لحل كل مشاكلكم في الدنيا، وسالي طالبة منكم في الحلقة دي دعوات كتير”.
ريهام سعيد تنفي تصريحاتها عن أحمد العوضي
خرجت الإعلامية ريهام سعيد عن صمتها لتنفي ما صدر باسمها عن أحمد العوضي، وتتوعد لمن يدلي بتصريحات على لسانها أنها سوف تقوم بمقاضاتهم قانونيًا، وذلك من خلال منشورًا عبر حسابها الرسمي على موقع التواصل الإجتماعي فيسبوك، جاء ذلك بعد المشادة الكلامية الكائنة بينها وبين الفنان أحمد العوضي.
وقالت ريهام سعيد في منشورها: “و لا كتبت حاجه و لا حذفت حاجه ولا هو شاف بوستات انتوا هتألفوا؟ و لا هارد علي ناس تافهة، و اللي هايكتب حرف عن لساني مش موثق بدليل هايترفع عليه قضية، كفايه فبركة بوستات أنا لما ارد علي حد لازم اللي بيتكلم يكون له قيمة”.
ريهام سعيد تهاجم أحمد العوضي
في سياق متصل، قد نسبت رسالة قوية وصادمة أن ريهام سعيد هي من وجهتها للفنان أحمد العوضي بعد تصريحاته الأخيرة عن حلقات برنامج ريهام سعيد والتي تحدث عنها في إحدى اللقاءات مستهزءاً بضيوف حلقاتها ، وجاء المنشور المفبرك عبر صفحتها الرسمية على موقع التواصل الإجتماعي فيس بوك.
حيث جاء محتوى المنشور كالآتي: “انت مصمم تجيب الكلام لنفسك، اللي عملت اقوي حلقة مع محمود حديده دي يا متنمر و هي كانت حلقة ازاي السوشال ميديا والمنتجين بيتاجروا بذوي الاحتياجات الخاصة ذوي الاحتياجات الخاصه اللي جازمتهم احسن منك، أنا فعلا عملت اقوي حلقات في التاريخ لما رحت رفح و نزلت الانفاق ورحت وسط الضرب في فلسطين و مليون حلقه اتفرج عليها العالم، العالم بجد مش هزار مش ناس بشتريهم بالفلوس و اعمل لهم مسابقات، عالجنا آلاف آلاف الحالات و الأطفال و فتحنا اول مدرسه لذوي الاحتياجات الخاصة عشر سنين، وانت كنت بتدور علي واحده تتجوزها وتعيش في بيتها وانت و لا تقدر تصرف عليها ولا ادها، عملت منك بطل و اديتك فرص كان بقتالاك عشرين سنه بتحاول تاخدها والفولورز الي بتشتريهم بمسابقات دول أصلا عندك عشان انت جوزها، أنا شايفه أنك هزاءت نفسك بما فيه الكفاية واللي مش بيعترف بالجميل بيسموه، غالي ومستواه عالي، افتكر كل الفشخرة الكذابة دي و رصيدك مسلسلين يا راجل ده أنا مثلت اكتر منك”.
