هاني حتحوت يفجر مفاجأة.. زيزو وقع عقده في منزل الخطيب

أكد الإعلامي هاني حتحوت، أن أحمد سيد زيزو لاعب الزمالك قد وقع عقود انضمامه للأهلي داخل منزل الكابتن محمود الخطيب، رئيس القلعة الحمراء.

وقال حتحوت خلال لقائه الإذاعي على أون سبورت:" تواصل معي مصدران في الزمالك لإعلان قرار استبعاد زيزو من قائمة مباراة الغد أمام ستيلنبوش بالكونفدرالية".

وأضاف:"‏ من جانبي تأكدت أن زيزو خاض مرانًا منفردًا، فيما قال أحد المصدرين "تأكدنا أن زيزو وقّع عقدًا في منزل الخطيب يوم ١٢ مارس".

زيزو يرد على أنباء انضمامه للأهلي

وبالرغم من نفي "زيزو" لكل ما يدور ويذاع حول انضمامه إلى صفوف الأهلي، حيث كتب عبر حسابه الشخصي بموقع التواصل الاجتماعي فيسبوك:" الحمد لله .. أنا راجل بحترم كل الناس .. لكن للأسف عدم ردي على المعلومات المغلوطة، والتزامي الصمت زاد عن حده .. كل ساعة خبر عن توقيع أو تجديد عقد زيزو .. وكل واحد بيغازل الشريحة اللي عايزها من الجمهور .. بكل وضوح أنا لم أوقع لأي ناد سواء داخل أو خارج مصر، اللي حصل على توقيعي يتفضل يعلن.. إذا كان كلامه صحيحاً؟ .. كمان اللي عنده دليل على توقيعي لأي ناد برضو يتفضل يطلعه على الملأ .. الناس لازم تعرف كويس .. أنا بقدر جدا الكيان الكبير اللي أنا بلعب فيه .. ولا يمكن أنكر فضله عليا، لكن فيه حاجة أنا مكنتش حابب أتكلم فيها خالص .. لأنه للأسف الأمور في الإعلام كلها في اتجاه واحد .. ليه محدش أتكلم عن حقوقي المشروعة زي أي لاعب في الدنيا؟ .. ليه محدش أتكلم إن الناس سابتني بقالها شهور طويلة ومش عايزين يجددون عقدي؟ .. ليه محدش أتكلم عن المستحقات المتأخرة اللي ليا بقالها كتير ومش لاقي حد يجاوبني؟ .. ليه محدش أتكلم إن التجديد المرة دي جاي في مرحلة متقدمة من عمري ؟.
 

وتابع: "محدش كمان أتكلم إنه ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود .. ورغم كل ده .. قلت وهفضل أقول أنا منتظر كلمة النادي .. وده لاعتبارات كتير، مش لتجميل الصورة .. والجماهير لازم تكون عارفة الحقيقة .. زيزو مش بيزايد .. ولا بيتاجر.. لكن لازم الطرف الثاني يكون عايزني أكمل .. وتكون فيه استجابة لحاجة من المعروض عليا على الأقل .. لكن للأسف الكلام معايا حاجة، واللي بيتقال للإعلام حاجة تانية .. أنا مينفعش أجرح في حد .. ولا أتكلم في حق حد .. لأن اللي بيتقال في الجلسات عيب يتقال بره .. على الأقل من ناحيتي .. أنا مستني رد النادي لحد آخر يوم في الكونفدرالية .. وأتمنى ربنا يكرمنا بيها أنا وزمايلي .. وأي كلام هيتقال غير كده في موضوع التجديد أو التوقيع قبل الموعد ده هيكون كلام غير صحيح .. ورسالتي الودية جدا للمسؤولين في النادي اللي أنا بحترمهم جميعا .. أتمنى الحوار في مسألة تجديد العقد يكون بيني وبينكم .. مش عن طريق الإعلام. . وأنا كنت ولا زلت واضحاً معاكم في كل اللي اتكلمت فيه من أمور عادلة تساعدنا على إننا نكمل الطريق. شكرا على تفهمكم موقفي".