بعد تعرضها للتسمم بسبب اللحوم.. دومينيك حوراني تحذر جمهورها
تعرضت الفنانة دومينيك حوراني للتسمم مؤخرًا، بسبب تناولها لحوم مثلجة مسمومة، وخرجت في مقطع فيديو عبر حسابها الرسمي على موقع تبادل الصور والفيديوهات إنستجرام، لتطمئن جمهورها على حالتها الصحية.
دومينيك حوراني تكشف عن تعرضها للتسمم
وقالت دومينيك حوراني في الفيديو: “أنا صرت منيحة، بس بصور هالفيديو حتى أعمل توعية للناس، انتبهوا كتير منيح من وين عم بتجيبوا اللحوم، أنا اتسممت من اللحوم المثلجة، إمبارح كنت كتير جوعانة بليل وكان الجزار قفل، فجيبت لحوم مثلجة من السوبر ماركت معروف كتير، وفي منطقة كتير راقية، طبخنا وكلنا وبعد ساعتين تلاتة، علامات التسمم وضحت عليا، ووجع بيروح ويجي كل 10 دقايق، ما قدرت أنام، استفرغت 7 مرات، وروحت على المستشفى وهناك قالولي أنه من اللحوم المثلجة”.
دومينيك حوراني توعي الجمهور
وحرصت دومينيك حوراني على توجيه نصائح توعوية للجمهور، حيث استكملت قائلة: “انتبهوا كتير بيكون في لحوم بايظة بتتباع بالسوق وهي لحوم عجول مايتة، يعني العجول بعد ما بيموتوا الجزارين بياخدوا اللحمة ويشتروها بسعر كتير رخيص، وهيدا الشئ ضد الأخلاق، العالم ما بقى عنده أخلاق، وهيدا الشئ بيسبب أمراض كتير وحالات تسمم، الحمدلله أني طلعت فيها، ولكن راسي عم توجعني جامد وباخد أدوية كتير وكتير خايفة، انتبهوا أنكم تشتروا لحوم وتكون مدبوحة قدامكم، بطلب من وزارة الصحة أنها تعمل كشف عن اللحوم المثلجة”.
واختتمت دومينيك حوراني حديثها قائلة :"كتير أنا خايفة، عندي وجع بالرأس، هاتولي محاليل بالمستشفى، بس لحد الآن لا عم اقدر أكل أو اشرب، معدتي مقلوبة، والله لن يوفقهم اللي بيبيعوا لحوم وحاجات مخروبة بالسوق، وقليلين أخلاق، ما بيهمهم إذا العالم اتسمم وماتوا، ولازم عن جد وزارة الصحة تعمل رقابة، أنا حسيت بوجع عمري ما حسيته بحياتي، ولما روحت على المستشفى صرت عم أبكي، ما لازم حدا ياكل يعني".
مشاركة دومينيك حوراني في مهرجان الغردقة
في سياق منفصل، أعربت الفنانة دومينيك حوراني مؤخرًا عن سعادتها بالمشاركة في مهرجان الغردقة السينمائي كعضوة في لجنة التحكيم، مؤكدة أن الجانب الإنساني والأخلاقي هو الأهم بالنسبة لها عند تقييم الأعمال الفنية، إلى جانب عناصر الإخراج والتصوير والمونتاج والقصة.
وقالت: “لدي خبرة طويلة في عالم الفن والسينما، وأتابع المسلسلات الطويلة وأتمنى أن تعود السينما كما كانت في زمن الأبيض والأسود.”
