أحمد حسن : الزمالك يحيل زيزو للتحقيق بسبب البيان الأخير

كتب الكابتن أحمد حسن، على حسابه الشخصى  "فيس بوك " عن صدور قرار من مجلس إدارة الزمالك بإحالة زيزو للتحقيق بسبب بيان اللاعب ظهر اليوم الثلاثاء.

وأصدر أحمد مصطفى زيزو، نجم الزمالك مساء اليوم الثلاثاء، للرد عن الأنباء التي ترددت في الساعات الماضية حول توقيعه رسميًا للانتقال إلى صفوف النادي الأهلي بعد نهاية عقده مع الفارس الأبيض.

وكتب زيزو من خلال الاستوري الخاص على حسابه (إنستجرام) قائلا:" الحمد لله أنا راجل بحترم كل الناس، لكن للأسف عدم ردي على المعلومات المغلوطة والتزامي الصمت زاد عن حده، كل ساعة خبر عن توفيع أو تجديد عقد زيزو، وكل واحد بيغازل الشريحة اللي عايزها من الجمهور، بكل وضوح أنا لم أوقع لأي ناد، سواء داخل أو خارج مصر، اللي حصل على توقيعي يتفضل يعلن، إذا كان كلامه صحيح؟، كمان اللي عنده دليل على توقيعي لأي نادي برضه يتفضل يطلعه على الملأ الناس لازم تعرف كويس أنا بقدر جدا الكيان الكبير اللي أنا بلعب فيه، ولا يمكن أن انكر فضله عليا، لكن في حاجة أنا مكنتش حابب أتكلم فيها خالص، لأنه للأسف الأمور في الإعلام كلا في اتجاه واحد، لية محدث اتكلم عن حقوقي المشروعة زي أي لاعب في الدنيا، لية محدش اتكلم أن الناس سابتني بقالها شهور طويلة ومش عايزين يجددوا عقدي، لية محدش اتكلم عن المستحقات المتأخرة اللي ليا بقالها كتيير، ومش لاقي حد يجاوبني، لية محدش اتكلم انه التددي المرة دي جاي في مرحلة متقدمة من عمري ولعيب الكورة عمره قصير في الملعب".

وكان الإعلامي هاني حتوت قد صرح على مسؤوليته عصر اليوم الثلاثاء من خلال برنامجه الإذاعي، بالمكالمة التي دارت بينه وبين زيزو، والتي أشار خلالها زيزو:"  أنا في غاية الإحباط من اللي حصل معايا الشهور اللي فاتت، انا مش مصدق ان دي المعاملة اللي تتعامل مع لاعب عمره ما قصّر في حق النادي، في خلال الشهور اللي فاتت، أبويا اتعرض لكل أنواع الهجوم والتجاوز على مواقع التواصل الاجتماعي بدافع من أشخاص في الإدارة.. أبويا راجل محترم، مش أقل من أي واحد منهم أبويا ده هو اللي جدد عقدي مع الزمالك مرتين قبل كده وماخدش فلوس، وهو وكيلي ومن حقه ياخد عمولته، ما أنا ممكن أجيب وكيل وياخد فلوس وأديها لبابا، بس أنا مش بتاع الحركات دي.. بس المشكلة الحقيقية في السمسرة اللي بتحصل في الصفقات التانية، ندخل في جلسة، قبل ما نخرج منها نلاقي التفاصيل نازلة على المواقع، بالشتيمة عليها".

وأضاف نجم الزمالك زيزو في الحديث الذي صرح به هاني حتوت قائلا:" مرتضى منصور رئيس نادي الزمالك السابق،  بعت عربية للمنيا تجيب لوالدي، ساعتها كلمت بابا قلتله "هنمضي بالرقم اللي هيحطوه"، وانا اللاعب الوحيد في تاريخ الزمالك اللي اتشتم 4 مرات ورا بعض من جمهور الزمالك.. بسبب الإدارة.. انا الجمهور يستنى ماتش بتروجيت يخلص عشان يقول لي "روح يا زيزو؟"، الجمهور هو الحاجة الحلوة الوحيدة اللي في الزمالك، حتى دي خلوها مش حلوة، أنا مش مشكلتي الفلوس خالص، أنا مشكلتي التقدير، أنا مش أعلى لاعب مصري حاليا في الزمالك، ولا أجنبي دون التقليل من أحد ومش ببص لحد في رزقه، أنا اتغير عليا 7 مجالس إدارات وعمري ما تمارضت، ولا غبت عن تدريب، ولا قلت بطني واجعاني ولا رجلي مش قادرة، هشام نصر نائب رئيس الزمالك قال إني طلبت أكتر من 60 مليون، والله ساعتها ما كنا اتكلمنا في أرقام لسه، لكن كان ساعتها الزمالك رفض عرض نيوم آخد فيه 11 مليون دولار في سنتين، فبابا قال هتعوضوه ازاي طيب؟ 20% ولا 30% ولا 50% من المعروض؟ فهو حسبها وطلع قال زيزو عايز أكتر من 60 مليون. فكلمته قلتله أيوة أنا بقى عايز أكتر