محمد رمضان يعلن عن مسابقة للجمهور: الفائز يحصل على 50 ألف جنيه

أعلن الفنان محمد رمضان عن مسابقة لجمهور، بشأن أغنيته الجديدة “بيب بيب”، مؤكدا أنه سيمنح الفائز مبلغ قدره 50 ألف جنيه.

وقال محمد رمضان في منشور له عبر فيسبوك: خمسين ألف جنيه للي هيكتب كم مرة اتقالت كلمة ( بيب) في أغنية بيب بيب؟!

وفي ذات  السياق طرح الفنان محمد رمضان أمس أغنية جديدة بعنوان بيب بيب من كلمات فرغلى بلاكس وإنتاج أحمد فيجو، وحققت الأغنية نحو نصف مليون مشاهدة خلال أقل من 24 ساعة من طرحها على يوتيوب.

وتقول كلمات الأغنية الشدة هتزول 
أهو كله مكتوب
بنيتها مالصفر 
عمود على عمود
كلها في ضهر بعض
بتقول وبتقول
الواد ده ماله
حقود ومغلول

عيني مليانة والحمدلله مستور
سكة ودوغري مش بلف ولا ادور
حالكم يقف لو مشيتها معاكوا أصول
في البيت الأبيض بلعب جولف 
أنا شوكة وواقفلكم في الزور

حاولت تعطل
لا مش هتقدر
و بناقص معرفتكو يابا لو هتخسر
محدش ليه عليا جميل قطعت الدفتر
وجيت افجر المسرح الله اكبر

بيب بيب .. بيب بيب
أنت هتداس لو موسعتش مالطريق
بيب بيب .. بيب بيب
انا سلاح الماني وشغلانتي إني اصفيك
بيب بيب .. بيب بيب
لو مركبناش القطر هنخلع القضيب
بيب بيب .. بيب بيب
قرود تتنطط ـول ما الأسد يغيب

حاولت تعطل
لا مش هتقدر
وبناقص معرفتكو يابا لو هتخسر
محدش ليه عليا جميل قطعت الدفتر
وجيت افجر المسرح الله اكبر

سيطرنا عالهند هنركب الجن
شيطان واستشيخ بينا هيئم
مدمن وعلى ضهر أيده بيشم
مجنون وبيهدد افعى بالسم
ترن وتزن تيجي وتحن
تتشالوا وتتحطوا كله بيغل
في الأزمة بنحل رسمه بنفن
العند بالعند العين قصاد عين

حظي دايما بتعاندني
التعالب بتلاعبني
وـنت مصمم تستعجلني
سايبها ع الله و الله يعيني

بيب بيب .. بيب بيب
أنت هتداس لو موسعتش مالطريق
بيب بيب .. بيب بيب
أنا سلاح الماني وشغلانتي اني أصفيك
بيب بيب .. بيب بيب
لو مركبناش القطر هنخلع القضيب
بيب بيب .. بيب بيب
قرود تتنطط أول ما الأسد يغيب

حاولت تعطل
لا مش بقدر
وبناقص معرفتكو يابا لو هتخسر
محدش ليه عليا جميل قطعت الدفتر
وجيت افجر المسرح الله أكبر

محمد رمضان يعلق على قرار حبسه

وكان محمد رمضان علق أمس على حكم حبسه عامين بسبب أغنية رقم واحد يا أنصاص، مؤكدًا أن الحكم مع إيقاف التنفيذ، مشيرًا إلى أن انتشار الأخبار عن حبسه تسبب في ضرر له حيث أن هذا الأمر أقلق منظمي حفله المقبل في أمريكا.

وعلق محمد رمضان ووجه اعتذاره لجمهوره وأصدقائه عن تداول أخبار حبسه دون الإشارة إلى أنها مع إيقاف التنفيذ: اعتذا لمحبيني عن هذه الأخبار التي نشرتها وتنشرها الصحافة المصرية باستمرار من حوالي أكتر من 7 سنوات متصلة .. ومفيش شهر بيعدي من غير أحكام بالسجن لي ووصلت حتى لابني الطفل، رغم إن آخر قضية أغنية معايا تصريح الرقابة بعرضها ز. و كمان مش أنا أصلاً اللي كاتبها .. ومع ذلك أتحكم عليا بالسجن ولكن مع إيقاف التنفيذ .. ولم توضح الصحافة إنه مع إيقاف التنفيذ .. محاولة لوقوع ضرر بالفعل لي ولعائلتي".