قلوب الملايين معاكي..أول تعليق من أدمن بيدج شيرين عبدالوهاب بعد أزمة شقيقها
نشرت أدمن بيدج الفنانة شيرين عبدالوهاب صورة لـ شيرين بعد أزمتها مع شقيقها ، وعلقت بكلمات مؤثرة ، حيث قالت :"نستودعك الله الذي لاتضيع ودائعه ربنا يحفظك من كل شر وسوء ربنا معاكي وكل قلوب محبينك بتدعي لك يارب تبقي بألف خير ويبعد عنك كل شر وسوء وحشتنا شيرين الي نعرفها يارب ترجعي افضل من الاول وطيبتك وحسن نيتك ربنا وحده عالم بيهم قلوب الملايين كلها معاكي".
وجاء ذلك بنشر الصورة عبر الحساب الرسمي لـ شيرين علي موقع تبادل الصور والفيديوهات إنستجرام.
شقيق الفنانة شيرين عبدالوهاب يكشف كواليس أزمتها
في سياق متصل ، كشف محمد عبدالوهاب شقيق الفنانة شيرين عبدالوهاب كواليس أزمتهما، بعد أن قامت بتحرير محضرًا ضده ، وذلك من خلال حسابه الرسمي على موقع التواصل الإجتماعي فيسبوك ، حيث قال محمد عبدالوهاب في منشوره: “وحق كتاب الله الكلام ده بالحرف حصل وربنا شاهد، من حوالي شهر اتصالحنا وكان عندها ميتنج مع شركة عايزة تمضي معاها وكنا عند موزع شهير مش حابب اذكر اسماء حد، بس هو موجود واحنا في الميتنج واحد كده معرفوش قالي عايز رقم حضرتك ده تبع المحامي، قالي أصل المدام كلمت الاستاذ واحنا داخلين وقالتله بالحرف كده خرج أخويا من القضية ماحنا اتصالحنا بقي.
وأضاف محمد عبدالوهاب :"والله الكلمة كأنها قلم نزل علي وشي خرج اخويا يعني أنا مش مدان ولا تربحت ومضيت عقد من وراكي، لا ده انتي بتدخليني وتخرجيني حسب مزاجك، بقي ورحمة ابويا لا هقلب عليكم البلد كلها وأنا بقي عندي اثبات بكل كلمة بحق ربنا، مش زور زيك انتي ومحاميكي البلد فيها قانون، حسبي الله ونعم الوكيل”.
محمد عبدالوهاب يثير الجدل
وقد أثار محمد عبد الوهاب جدلاً واسعًا بعد توجيهه رسالة حادة لشقيقته الفنانة شرين عبد الوهاب، مستنكرًا ما وصفه بالكذب والافتراءات، ومشيرًا إلى الأحداث الأخيرة التي شهدتها أسرتهما وما خلفته من تداعيات قانونية واجتماعية.
جاء ذلك عبر منشورات له على موقع التواصل الاجتماعي فيسبوك ، قال فيها: "اقسم بالله انا لسه صاحي حالا ده کدب وافتری بس ورحمة ابويا الحكومة اللي جت البيت دي وعملت رعب ل امك واختك ورحمة ابويا في ورحمة، قبره ما هتعدي".
وفي منشور متتالي كتب موضحًا: "مانتي متعودة علي رمي البلا والافترى، عيشتك كلها زور في زور وصدقيني الشغل الشمال بتاعك انتي وانتوش ده مش هيطفي نارك كل ده عشان خسرتي القضية اللي انتي بردو رفعاها زور وربنا شاهد، وعالم بس البلد فيها قانون فوق راسك انتي وانتوش".
