مصطفى حدوتة يكشف أن أغنية كأس العرب الرسمية من كلماته
كشف الشاعر مصطفى حدوتة من خلال مقطع فيديو عبر حسابه الرسمي أن الأغنية الرسمية لكأس العرب التي تحمل عنوان مكاني.
مصطفى حدوتة صاحب كلمات أغنية مكاني
حيث قال مصطفى حدوتة في الفيديو: “جماعة أغنية مكاني، الأغنية اللي بتيجي كل شوية على بيين سبورت اللي هي الأغنية الرسمية لكأس العرب، دي أنا اللي كاتبها، أنا حبيت بس أعمل الفيديو وأعرفكم، عشان كنت تعبان الفترة اللي فاتت ومقولتش أن دي بتاعتي، الأغنية دي يا جماعة بتاعتي”.
كلمات أغنية مكاني
وتقول كلمات الأغنية:
أنا مش غريب .. أنا من هنا
أنا وسط ناسنا وأهلنا
أنا مش غريب .. أنا من هنا
وديه ناس شبهنا وشكلنا
نشبه بعض في عاداتنا
نشبه بعض في صفاتنا
وكمان قصة حياتنا
نشبه بعض في لغتنا
حتى طريقنا وبيوتنا
عندك وبحس إني في مكاني
وكأني ليا نص تاني
أتمنى معاك نفس الأماني
وبنرقص على نفس الأغاني
كتفك في كتفي
ده يكفي نرفع أسامينا فوق
إيدك في إيدنا وبإيدنا نرفع علمنا فوق
كواليس تعاون محمد منير مع مصطفى حدوتة
في سياق منفصل، قد تحدث الشاعر، مصطفى حدوتة، عن كواليس تعاونه مع الكينج محمد منير، وذلك من خلال منشورًا عبر حسابه الرسمي على موقع التواصل الإجتماعي «فيسبوك»، وقائلًا: «التعاون الأول مع الكينج محمد منير، فيه تفاصيل كتير، ولأن الأغنية داخل فيلم (ضي) اللي حكايته شبه حكايتي وحكاية شباب كتير زيي»، مضيقًا: «قررت أنسى أي حاجة وأكتب عن نفسي وعن أفكاري وعن مبادئي وكأني بكتب أغنية توصف (مصطفى حدوتة) مش (ضي)».
واختتم منشور الشاعر مصطفى حدوته، قائلًا: «الحمد لله اتوفقت في عمل كبير واشترك فيه ناس شطار كتير، مش عاوز أنسى حد منهم، بس شكرًا جدًا لكل اللي اشتغل وتعب على المشروع، عشان يظهر بالشكل الجميل ده، مبروك لينا كلنا على التجربة الجميلة والعظيمه دي».
مصطفى حدوتة يوجه رسالة للكينج محمد منير
وأعاد الشاعر مصطفى حدوتة، نشر مقطع فيديو من اللقاء عبر حسابه الرسمي على موقع تبادل الصور والفيديوهات «إنستجرام»، قائلًا: «شرف كبير ليا إن الكينج محمد منير يساويني بكبار الشعراء اللي قابلهم في مشواره الفني، اللي منهم الشاعر الكبير، صلاح جاهين، والشاعر العظيم، عبد الرحيم منصور، والشاعر الكبير، عبد الرحمن الأبنودي، والشاعر الكبير، فؤاد حداد».
وتابع منشور مصطفى حدوتة: «ولن ننسى شاعر الشعب اللي اتعلمت منه كتير طبعًا، أحمد فؤاد نجم، رحمة الله عليهم جميعًا، كتير عليا إني أتقارن بالأسامي العظيمة ديه، وده وسام على صدري وشهادة هتفضل في ذهني وأذني وقلبي ليوم ما أموت، يا ملك القلوب».
