ماجد المصري: النجاح مع محمد سامي مختلف وبيكسر الحدود
أشارالفنان ماجد المصري إنه كان متوقع نجاح شخصيته في مسلسل «إش إش»، قائلًا: «محمد سامي قالي ما تيجي ننجح، والدور بينادي صاحبه، ومحمد سامي حكاي شاطر، وأنا بدأت أسمع وأتخيل، وقولتله لو اللي انت بتقوله هو اللي هيتعمل يبقى مضيت المسلسل».
النجاح مع محمد سامي
وأضاف «المصري» خلال حوار تلفزيوني ببرنامج «الحكاية» والمذاع عبر قناة «إم بي سي مصر»: «قولت لمحمد سامي الدور دا الممثل يدفع عليه فلوس، والنجاح مع سامي مختلف بيكسر الحدود، عنده تركيبة عجيبة، ومحمد سامي بيكتب في اللوكيشن».
علاقة المصري باللوكيشن
واستكمل ماجد المصري: «محمد يقولك دائما أكتر واحد بيفهمني وأنا بتكلم يقولك ماجد، وأنا من الممثلين اللي مش بتحب تقعد في الكرفان، لازم أدخل أقعد في اللوكيشن».
وأوضح: «محمد جواه 500 ممثل، لأن هو اللي كاتب، وهو بيقرأ الدور بيبقى مركز معاه اللي مركز، وإش إش الموضوع عدى الحدود، وبقولك يا سامي كنت قدم الخير على عدد كبير من الناس».
وفي وقت سابق؛ حلّت الفنانة مي عمر ضيفة على الإعلامي عمرو أديب في برنامج الحكاية، الذي يُذاع على قناة mbc مصر، وتناول الحديث كواليس مشاركتها في مسلسل إش إش وتقديم دور راقصة، بجانب الحديث عن السر وراء اعتزال محمد سامي.
ووجه الإعلامي عمرو أديب سؤالًا لمي عمر، عن استغراب الجمهور للمشهد الأخير في مسلسل إش إش، التي ظهرت فيه داخل قصة حب مع الفنان كريم فهمي.
مي عمر توضح حقيقة المشهد الأخير من المسلسل
وأجابت عليه مي عمر قائلة: "إش إش كانت في حالة حلم .. هي كانت قاعدة مع والدتها إخلاص في المستشفى .. ولما سألتها عن أنها لسه بتحب رجب .. من عينيها بان أنها لسه بتحبه .. وبدأت تقول أحلامها أنها تمتحن ليفل 7 في كورس الإنجليزي .. وتشتغل كول سنتر .. وتقابل راجل ميسألهاش عن ماضيها .. كل دي كانت أحلامها من أول حلقة في المسلسل .. والجمهور كان عايز نهاية سعيدة .. هي حققت جزء من أحلامها وهو أنها دخلت إمتحان ليفل 7 .. ومكنش حلمها تقابل كريم فهمي .. حلمها تقابل راجل يتقبلها زي ما هي".
