رنا سماحة تحتفل بعيد ميلاد نجلها مالك: أنت العوض والطبطبة من ربنا
احتفلت المطربة رنا سماحة بعيد ميلاد نجلها مالك، من طليقها الملحن سامر أبو طالب.
ونشرت رنا سماحة عبر حسابها بموقع إنستجرام فيديو مجمع لصوره وعلقت: “زي دلوقتي جيت الدنيا يا لوكي .. جيت عشان تكون العوض والطبطبة اللي ربنا بعتهالي .. جيت عشان تبقى الحضن الحنين الي بهرب ليه من كل الدنيا ..جيت عشان تكون الأمان والحنان والفرحة والحياة”.
وأضافت رنا سماحة: “كل سنه واحنا في حضن بعض يا عمري .. وربنا يقدرني ويديني العمر واكمل الرحله معاك لحد ما اتطمن اني جبت للدنيا راجل يتسند ويعتمد عليه بحبك يا حياتي”.
وجاءت التعليقات على الفيديو كالآتي: “احسن حاجة طلع يشبهك حبيبتي ربنا يحميه يا رب”، “ما شاء الله كل سنة ولوكا القمر طيب وبخير وصحة وسعادة يا رب عقبال مليون سنة ربنا يحميه ويفرحك يا رب به وتشوفيه احسن راجل فى الدنيا”، “العمر كله وانتوا سوا وفرحان وفخور بيكي حبيبتى ربنا يحفظكوا لينا يارب بحبك”، “ما شاء الله كل سنه وهو بخير وصحة وسعادة وربنا يخليكي ليه ويخلهولك وتشوفيه أسعد الناس أجمل حاجه انه شبهك يارنوووش قمرين ماشاء الله”.
آخر أغاني رنا سماحة
كانت آخر أغاني رنا سماحة أغنية مهري حياة، وطرحتها غلى يوتيوب شهر أكتوبر الماضي، وتقول كلماتها:
أنا مهري حياة
اطمن وانا عيشاها معاك
أنا مهري سنين
تفضل فيها زي ما عيني شيفاك
أنا مهري تكون
أعظم انسان وأنا هابقي وراك
مش محتاجة غير أمان
ابقى جمبك مهما كان
وابقى كل حاجة عندك
والزعل مالوش مكان
قلبي ليك يبقي بيت
يكون سرك لو حكيت
أي سكة فيها راحتك
قبلك فيها اكون مشيت
أنا مهما هاقول
عن فرحتي مش قادرة أوصفلك
نفذت وعود
ووجودي جنمبك ده يثبتلك
وعشان حبيت
سيبت الغالين جري وجتلك
