منى زكي: معملتش حاجة غلط علشان الناس تهاجمني.. وبروح لطبيب نفسي|فيديو
كشفت الفنانة منى زكي أنها تفضل الصمت واحترام جميع الآراء حتى لو كانت تهاجمها وتنتقدها، مشيرة إلى أنها تلجأ لطبيب نفسي حتى يساعدها تتخطى ضغوطات الحياة والعمل.
وبسؤالها عن تخيلها لرد فعل أم كلثوم على الفيلم في حال كانت موجودة، قالت:"مقدرش أتخيل ولكن أتمنى يعجبها وأتمنى تشوف أننا بنحاول نقدرها ونكرمها ونعرف أجيال جديدة أصغر ممكن ما يكونوش يعرفوها بالشكل اللي يكون، وحابين نعمل كده والأجيال الجديدة يعرفوا النماذج اللي عندنا بالوطن العربي قد إيه نماذج مشرفة وذو قيمة وموهبة قوية وكبيرة تتخطى حدود الوطن العربي".
وعن شعورها في الليلة التي سبقت تصوير أول يوم بالفيلم قالت:" مقدرتش أنام أكيد، ومكنتش بعرف بنام طول مدة التصوير، وحياتي اتغيرت تماما، ويهمني رأي الناس ويا رب يعجبهم".
بحاول أكون متحضرة وأتقبل الآراء
وأكدت منى زكي أن الانتقادات وحالة الجدل التي أثيرت مع طرح برومو الفيلم تتقبلها وتحترمها جميعها: “بحاول أكون متحضرة واتقبل الآراء واحترمها كلها أشوف إن مفيش حاجة شخصية بيني وبين حد”.
وكشفت منى زكي أنها تلجأ لطبيب نفسي يساعدها على تخطي الصعوبات ليس فقط بعد الفيلم ولكنها تتابع معه باستمرار بسبب ضغوطات الحياة، حيث قالت: كده كده بروح بغض النظر عن الانتقادات، بروح لحد يساعدني لأن ضغوطات الحياة كتير وبتحتاح يساعدك".
ما عملتش حاجة غلط علشان ادافع عن نفسي
وعن سبب عدم دفاعها عن نفسها مع كل هجوم تتعرض له مع كل عمل قالت: “أنا بحس ساعات المدافعة عن النفس كأنك بتعاند في الناس ولذلك بفضل اسكت والناس تقرر، وأحيانا بحس أن الدفاع ممكن يكون مستفز بالنسبة للناس، وأنا ما عملتش حاجة غلط علشان ادافع عن نفسي، وبحب أخوض تجارب وأتعلم واتعلمت حاجات كتير وفرصة كبيرة إني اشتغل مع صناع كلهم عالميين بالنسبة لي، ولا قصدي أعاند في حد ولا أجرح في حد”.
أما عن الصفات التي لا تشبهها في أم كلثوم قالت: “والقوة والعناد مفيش حد قوي زيها، وكذلك الإصرار والعزيمة ودي حاجة أتمنى تكون فيا”.
