ياسمين عبد العزيز تكشف كواليس "الضرب الحقيقي" وصراعات كواليس مسلسل وتقابل حبيب

كشفت الفنانة ياسمين عبد العزيز، خلال استضافتها في برنامج "معكم منى الشاذلي" المذاع عبر قناة ON، عن مجموعة من الكواليس المثيرة التي صاحبت تصوير مشاهدها في مسلسل “وتقابل حبيب”، مؤكدة أن العديد من المشاهد المؤثرة كانت حقيقية وغير تمثيلية، وأن توتر الجمهور تجاه بعض النجوم كان نتيجة الصدق في الأداء وشدة الأحداث الدرامية.

مشهد “القلم الحقيقي” من أنوشكا

روت ياسمين تفاصيل مشهد الضرب الشهير الذي أثار تعاطف الجمهور معها، قائلة:"مشهد ضربي من أنوشكا خلا الناس تزعل عليّا أوي. وهي أصلًا مكنتش عايزة تضربني القلم خالص. قولتلها لازم تضربي، قالتلي لأ لأ، قولتلها مفيش حاجة اسمها كده… اضربيني فعلاً."

وأوضحت أنها لجأت للسيناريست عمرو محمود ياسين لإقناعه بضرورة تنفيذ الضربة بشكل حقيقي حتى يصل الإحساس للمشاهد، مضيفة:"روحت لعمرو محمود ياسين وقلتله لازم تديني القلم عشان يبان حقيقي." 

توتر الجمهور… ورفض ياسمين نشر صور مع أبطال العمل

وأشارت ياسمين إلى أن رمضان ومع سخونة الأحداث جعل الجمهور يعيش حالة توتر حقيقي تجاه شخصيات معينة، قائلة:"الناس مكانتش طايقة لا خالد سليم ولا أنوشكا ولا نيكول سابا."

وسردت موقفًا طريفًا مع خالد سليم:"لقيت خالد جاي يقولي عاوز آخد صورة معاكي وأنزلها. قولتله: خالد لو اتصورت معاك دلوقتي يبقى إحنا بنشتت الناس!"

وتكرر الموقف مع أنوشكا:"انوشكا جت قالتلي نعمل فيديو مع بعض… قولتلها: يا جماعة الناس مش طايقاكم!"

«انتي هتاخدي جوائز كتير»… وياسمين: وكنت أعقدها بالكلام

كشفت ياسمين إعجابها الكبير بأداء أنوشكا في المسلسل، مؤكدة أنها كانت تبشرها بالجوائز قبل عرض العمل:"قولتلها انتي هتاخدي جوائز كتير على الدور ده، كانت تقولي لأ لأ… وكل ما تاخد جايزة أقولها: ها… مش قولتلك!"

كواليس مشهد ضرب نيكول سابا… وخوف حقيقي

وتحدثت عن مشهد ضربها للفنانة نيكول سابا، قائلة:"نيكول كانت خايفة جدًا قبل مشهد القلم… وكانت قاعدة متوترة."

وأضافت أن المسلسل أظهرها في مواقف لا تشبه شخصيتها الحقيقية:"طول المسلسل كانوا مبهدليني… ودي مش شخصيتي خالص. أنا كل شوية أقول لعمرو محمود ياسين: الناس مضايقة، سبني آخد حقي بإيدي! يقولي لا… ربنا هيجيب لها حقها."

وأكدت مازحة:"أنا في الحقيقة شخصيتي زي ليل… أنا حد يعمل فيا كده وأسكتله؟!"

بحب اللي حواليا يطلعوا حلوين

واختتمت ياسمين حديثها بالكشف عن أحد أسرار اختياراتها الفنية:"أنا بحب في المسلسل أجيب ستات حواليّ شكلهم حلو… أنا أطلع حلوة واللي حواليّ يطلعوا حلوين."