العدل يدافع عن محمد صبحي: «الموضوع خد أكبر من حجمه»

علق المنتج محمد العدل على ردود الفعل والهجوم على الفنان محمد صبحي بعد انتشار فيديو له مع سائقه.

وكتب العدل في منشور عبر موقع التواصل الاجتماعي فيسبوك: «بقت قلوبكم غليظة، وقساه، والترند عندكم أهم من اى حاجة برغم ان موضوع محمد صبحى خد اكتر من حجمه وما كنتش احب اتكلم فيه».

وأضاف: «لكن لما تقول لى لازم يراعى سن السائق انتوا كمان راعوا سن محمد صبحى اللى اكبر من السائق  وقد قارب على الثمانين وراعوا ظروفه الصحية، وراعوا ان فيه ناس لازقة الموبايل فى وشه وبتصوره وهو متنرفز وراعوا انه اتصل به ولم يرد، وكلم حد يشتكى انه مش عارف يوصل للسواق».

واختتم بقوله: «وفى الاخر  خد العربية ومشى ولم يقل للسائق اجرى ورايا، هو اللى جرى ورا العربية، لقمة عيشه صحيح  و من حقه بيتشبث بها، لكن هو اللى غلطان مش صبحى، والا إدانة اى فنان بقت هى اللى بتجيب الترند؟».

ومن جهتها، علقت الشاعرة منة عدلي القيعي على الجدل الذي أثير خلال الساعات الماضية، بعد تداول مقطع فيديو للفنان محمد صبحي وهو في حالة انفعال تجاه سائقه الخاص عقب تكريمه في مهرجان "آفاق" بمسرح الهناجر بدار الأوبرا.

منة القيعي تدافع عن الفنان محمد صبحي بعد فيديو انفعاله على سائقه

وقالت القيعي في منشور لها عبر فيسبوك إن حالة التصوير العشوائي التي يتعرض لها بعض الفنانين في الأماكن العامة أصبحت انتهاكا صريحًا للخصوصية، معتبرة أن محاصرة المشاهير بالهواتف أثناء تحركهم في الشوارع أو عقب الفعاليات الفنية يمكن أن تسبب انهيارا عصبيًا لأي شخص سوي.

وأضافت: حقيقي فكرة إن فيه 20 أو 30 واحد عاملين دايرة حوالين الفنان محمد صبحي، بيحاصروه وبيصوروه ومش بيردوا عليه وهو ماشي في الشارع أو بيحاول يوصل حتة… دي حاجة غير آدمية وفيها انتهاك وتعدي رسمي، أصلاً المفروض تبقى غير قانونية. 

وتابعت: الصحافة ليها مكانها وتحترم… لكن فكرة إن واحد في أي وقت عرضة لأي حد يطلع موبايله ويلزقه في وشه دا جنان رسمي… دا انتهاك وتعدي صريح ولازم يتقنن فوراً.

وجاء تعليق الشاعرة بعد انتشار فيديو ظهر فيه الفنان محمد صبحي وهو يعاتب سائقه بسبب عدم تواجده إلى جوار السيارة أثناء خروجه من المسرح.