ظلم ومش هسكت .. أول تعليق من حلمي عبدالباقي بعد إحالته للتحقيق بالموسيقيين
خرج الفنان حلمي عبدالباقي، في أول تعليق له، بعد قرار إحالته للتحقيق، من قبل نقيب المهن الموسيقية، الفنان مصطفى كامل، بعد خلافاتهما خلال الفترة القليلة الماضية.
حلمي عبدالباقي يعلق على قرار إحالته للتحقيق
وأشار حلمي عبدالباقي خلال فيديو له عبر حسابه الشخصي على فيسبوك، أنه تفاجأ بقرار إحالته للتحقيق ولا يعلم السبب، مؤكدًا أنه صادق في كل كلمة قالها على النقابة خلال فيديوهاته.
فوجئت إني متحول للتحقيق
وقال حلمي : "إخواني وأخواتي أعضاء الجمعية العمومية لنقابة المهن الموسيقية .. كنت متواجد في النقابة يومي الأحد والإثنين .. وفوجئت إني متحول للتحقيق ومش عارف ليه ؟ .. ولكن الحمد لله رب العالمين كل كلمة قولتها في الفيديو اللي فات كانت صادقة .. ومعايا ما يثبت إني أنا كنت صادق .. وكل الناس على علم باللي أنا قولته .. وكنت طلبت من السيد النقيب العام إنه يحلف على المصحف إني كداب".
التحقيق والشطب ظلم ومش هسكت
وتابع : “كل اللي عملته إني بدافع عن نفسي وكرامتي اللي اتهانت من خلال الفيديو المسرب .. والقانون بيقول إني أتشال من غير الجمعية العمومية الغير عادية .. لكن التحقيق والشطب كل ده ظلم .. وأنا مش هسكت .. وأنا مكمل للآخر .. وإن شاء الله قريبًا جدًا هعمل مؤتمر صحفي حتى لو هبقى لوحدي .. لأن أنا واثق جدًا من نفسي ومعايا كل ما يثبت كل كلمة قولتها”.
وواصل حلمي : "الجمعية العمومية الغير عادية لما حققوا مع الأستاذ إيمان البحر درويش وشطبوه .. رجع القضاء الإداري وخد حكم ببطلان كل الأحكام دي وإنه يرجع تاني مكانه .. لكنه ربنا يشفيه ويعافيه مرجعش".
مش طعمان في حاجة
واختتم حلمي عبدالباقي : "أنا جاهز وعندي ما يثبت كل كلمة بقولها .. ومكمل للآخر ومش طمعان في حاجة .. وأيًا ما كانت النتيجة .. والمهم براءتي من كل حاجة اتقالت عليا ومعايا ما يثبت .. وإن شاء الله ربنا هوا اللي هيجيب حقي وحق أي مظلوم".
إحالة حلمي عبدالباقي للتحقيق في نقابة الموسيقيين
وكان قد كشف المسئول الإعلامي لنقابة المهن الموسيقية، منذ ساعات قليلة، في تصريح خاص لموقع “نيوز رووم”، عن إحالة كل من أحمد أبو المجد سكرتير عام نقابة المهن الموسيقية والفنان حلمي عبدالباقي للتحقيق.
أزمة مصطفى كامل وحلمي عبدالباقي
يُذكر أن، مصطفى كامل كان قد اتهم حلمي عبدالباقي بأن ما يفعله مؤمراة يهدف من خلالها للصعود إلى كرسي النقيب، حيث قال في اجتماع سابق للنقابة : “الأزمة مبنية على مؤامرة رخيصة، وسمعت السادة إساءة على موبايلي بنفس صوت من يزعم أني بسببه، السب اللي موجود عندي أفظع وأبشع، وبقالي 3 شهور بقول لهذا الذي كان كان صديقًا، إيه هدفك من اللي أنت بتعمله؟ عايز إيه ونفسك في إيه؟ وقعدت معاه وسألته أمام الجميع أنت بتعمل كده علشان عايز كرسي النقيب؟، تعالى بس من غير ما تدمر الكيان، وقالي على التسريب ده من شهر 8 والموضوع اتقفل، وفجأة وإحنا بنحقق اكتشفت إن فيه ناس مش عايزة تحقق العدالة، أنت بتحقق مع حد في مخالفة، ومن هنا جاء إحساسي الصادق إن القعدة اللي قعدناها سابقًا كانت من أجل الغش، ومن هنا قلت للدكتور علاء سلامة إني برفض صداقتي لهذا الشخص، وقلت على نفسي حسبي الله ونعم الوكيل في كل ما قدمت له من خير”.
