كفاية جهل بقى.. رنا سماحة تنتقد المشاكل الأسرية التي تؤدي إلى القتل
انتقدت الفنانة رنا سماحة عقلية الأهل الذين يتركوا بناتهم ويقبلوا بذلهم في بيت الزوجية وفي زواج فاشل، وينتهي بهم الأمر بمقتلهم، جاء هذا بالتزامن مع قضايا قتل الأزواج والزوجات المنتشرة هذه الفترة، وذلك من خلال منشور مطول عبر حسابها الرسمي على موقع التواصل الإجتماعي فيسبوك.
رنا سماحة تناشد أهالي الفتيات المقبلات على الزواج
وقالت رنا سماحة في منشورها: “سؤال بجد، إيه الي يخليكم كأهل ترضوا بذل واهانه بنتكم وضربها، من واحد عشان اتجوزها ؟! .. ليه تستنوا لما ترجعلكم بنتكم جثه؟!، عشان ايه ؟!!!!!.. ما يخرب البيت في 60 داهية، الراجل اللي ميشيلش بنتك على دماغه ويكرمها ف بيته زي بيت اهلها واكتر ميستحقش كلمة راجل ولا ينفع تآمنه على بنتك، ويغور الجواز لو بالطريقة دي، تعيش في بيت اهلها وان شالله ما عنها اتجوزت، ده ربنا قال مودة ورحمة، رسولنا قال رفقاً بالقوارير، انتوا بتعملوا ايه في عيالكم يا جماعة ؟!!، كفاية جهل بقى، بحجة الست مالهاش غير بيتها وجوزها، وكل الستات بتضرب، وعادي مراته يعمل اللي هو عايزه فيها، لأ الجواز مش عبودية وذل، الزوج مش دوره يربي، ولا يطلع عقده على الكائن الضعيف اللي عنده في البيت، ربوا عيالكوا وكفاية أشباه رجال بقى، حافظوا على بناتكم يا ناس”.
حقيقة زواج رنا سماحة
في سياق منفصل، حسمت الفنانة رنا سماحة الجدل بشأن خبر زواجها المنتشر مؤخرًا على مواقع التواصل الإجتماعي وذلك بعدما نشرت صورة لها بفستان الفرح برفقة رجل، مما جعل جمهورها يهنئها بهذا الخبر السار.
ولكن خرجت رنا سماحة عن صمتها لتوضح الحقيقة من خلال تصريحات لبرنامج عرب وود، حيث قالت: “الصورة كانت من كواليس الفيديو كليب بتاع أغنيتي الجديدة مهري حياة، عملاها لكل عريس وعروسة في فرحهم، قصدت ألبس فستان وابقى عروسة في الفيديو كليب، الناس فكرتني عروسة بجد بحق وحقيقي”.
رنا سماحة: الذكور كتير لكن الرجال قليلين
كشفت المطربة رنا سماحة، عن مواصفات شريك حياتها، موضحة أنه يجب أن يكون على قدر كبير من المسؤولية والوعي، مؤكدة أنه لا بد أن يكون رجلًا وليس ذكر.
وتابعت رنا سماحة حديثها خلال تصريحات تلفزيونية، قائلة: "مواصفات شريك حياتي لازم يكون راجل مش ذكر.. الذكور كتير لكن الرجال قليلين، وممكن صفة الرجولة تكون في ست عادي جدا .. أنا جبت الكلام ده من تجربتي، والتجارب ربتني الإنسان مش بإيده يكون ذكر، لكن بإيده يكون راجل ولازم يبقى حد مسؤول عن بيت، وفي حياتك طفلك، وده للأسف مش موجود كتير في الزمن ده".
وأشارت رنا سماحة إلى أنها هي التي تتولى الإنفاق على ابنها مالك، وتحرص على رعايته والاهتمام به بشكل كامل، موضحة أن طليقها الملحن سامر أبو طالب، موجود في حياة ابنه ويراه بشكل دائم.
