الإطلاق الرسمي لموقع حجز زيارات فندق عبدالحليم حافظ |التفاصيل
أعلنت الصفحة الرسمية لفندق عبدالحليم حافظ عن إطلاق الموقع الرسمي لحجز زيارات الفندق، وذلك من خلال منشورًا عبر موقع التواصل الإجتماعي فيسبوك، ليكشفوا عن تفاصيل الحجز.
إطلاق الموقع الرسمي للحجز
وعلقوا قائلين: "بعد غيبة طويلة، رجعنالكم بأخبار حلوة!، عارفين إننا وحشناكم، وإن فترة قفل "صفحة بيت العندليب" كانت صعبة على كل مُحبيه، بنعتذرلكم عن الانتظار، وعن أي وقت كنتم عايزين تزوروا فيه البيت ومكانش متاح فيه الحجز، بس كان لازم نغيب شوية عشان نرجع لكم بحاجة تليق بقيمة عبد الحليم حافظ وتليق بيكم، كان صوت عبد الحليم حافظ أكتر من مجرد غُنا، كان نبض بيت مصري ، وذاكرة جيل كامل و مستقبل جيل قادم، صوته اتربّى معانا، وكلماته لسه بتزور قلوبنا كل يوم، ولأن تراثه أمانة، اسرة حليم اشتغلوا بحب وشغف عشان يحافظوا على بيته ويخلوه متاح لكل الناس، النهارده وبكل فخر بنقدّم لكم الصفحة الرسمية لمنزل حليم، الفترة اللي فاتت كانت الزيارات بتتحجز عن طريق التليفون أو رسايل الصفحة، وده كان متعب لكتير من الزوار و للأسرة ايضًا، علشان كده قررنا نسهّلها عليكم، دلوقتي، تقدر تحجز زيارتك بضغطه واحدة من خلال الموقع".
طريقة حجز زيارات فندق عبدالحليم حافظ
واستكملت الصفحة معلنة عن طريقة الحجز، حيث قالت: “لكن الموقع مش بس للحجز، دي هديّة منّا ليكم عشان نعيش سوا إرث العندليب، بمجرد ما تدخل الموقع، فكأنك دخلت بيته الحقيقي؛ كل ركن فيه شايل ذكرى، وكل تفصيلة بتحكي حكاية، هتلاقي فيه رحلة كاملة لحياة عبد الحليم: من طفولته، لصعوباته، لشغفه اللي ما انتهاش، ولكل محطة فنية صنعت مجده، وضفنالكم كمان معرض صور للعندليب وبيته، هيخليك تحس بروح المكان حتى قبل ما تزوره فعليًا”.
الموقع خطوة لليونسكو
وأعلنت الصفحة أن الموقع الرسمي هو خطوة مهمة لليونسكو، حيث قالت: "مهمة خاصة جداً (مشروع اليونسكو): عشان نقدر نسجل بيت عبد الحليم حافظ في منظمة اليونسكو كأحد بيوت رموز الفن، محتاجين دعمكم بجد! بعد زيارتكم، تقييمكم وتعليقكم على "Google Maps" (خرائط جوجل) هو السند الحقيقي لينا. كل "ريفيو" إيجابي بيقربنا خطوة إننا نخلّد اسم العندليب عالمياً، ونحب نفكّركم: إن البيت هيفتح أبوابه للزيارة يوم 30 مارس، في ذكرى وفاة العندليب، الحجز حصري من خلال الموقع فقط، الزيارة مجانية بالكامل، وهدفنا إن كل محبّ للفن يعيش التجربة دي بنفسه، قبل الحجز، من فضلكم اقرو شروط وأحكام الزيارة علشان نحافظ مع بعض على المكان متاح وآمن للجميع، وفي ختام الكلام، بنهديكم رابط موقع بيت عبد الحليم حافظ https://www.halimhouse.com، الموقع اللي بيحفظ تراث أيقونة الزمن الجميل، من دلوقتي الموقع مفتوح لاستقبال الزوّار، أما الزيارات الفعلية فهنبدأ نستقبلكم من يوم 30 مارس، زوروا الموقع، احجزوا زيارتكم، وخلو التراث يعيش من تاني بصوت عبد الحليم. "
