محمد فراج يرد على انتقادات تقديمه شخصية أحمد رامي في الست: هاتوا واحد شبهه
علق الفنان محمد فراج على الانتقادات الموجهة له بسبب تقديمه شخصية الشاعر أحمد رامي، في فيلم الست، مع النجمة منى زكي، والمقرر عرضه يوم 11 ديسمبر الجاري، بجميع دور العرض السينمائي.
محمد فراج يتحدث عن ردود الأفعال حول برومو فيلم الست
وقال محمد فراج في لقاء مع برنامج ET بالعربي : “برومو فيلم الست لما نزل كسر الدنيا الحمد لله .. وحالة الجدل الكبيرة جدًا ده شئ متوقع على فيلم مهم زي ده .. ومنى زكي هي اللي بتعمل شخصية أم كلثوم .. ومروان حامد اللي بيخرج .. وأحمد مراد اللي بيكتب .. فا طبيعي جدًا يكون في حالة ترقب شديدة يعني”.
رد محمد فراج على جدل تقديمه شخصية أحمد رامي
وعن شخصيته في الفيلم، أكمل فراج : “أنا بعمل شخصية الشاعر أحمد رامي .. وإحنا بنعمل فيلم فيه حدوتة فيها شخصيات لحم ودم ومشاعر وأحاسيس .. وماينفعش نحصر القيمة الكبيرة أوي دي في إننا نتكلم عن مكياج أحمد رامي .. ونقول هل فراج كان قريب من أحمد رامي ولا ماكنش قريب ؟ .. وعلى فكرة أنا مش مطالب كممثل إني أبقى شبه أحمد رامي بالظبط .. لأن لو كده هاتوا واحد شبه أحمد رامي بجد خلوه هو اللي يمثل الفيلم”.
وعن الهجوم على منى زكي بمجرد طرح إعلان فيلم الست، رد محمد فراج : “بلاش كلمة هجوم .. وخلينا نسميها حالة جدل .. ودي حاجة طبيعية جدًا .. لأنه فيلم مميز ومهم وبيحكي عن شخصية كوكب الشرق أم كلثوم .. فأكيد كل الناس هتبقى قاعدة مستنية الفيلم .. وأول ما الفيلم يتعرض هتبان ردود أفعال الجمهور الحقيقية اللي إحنا نهتم بيها ونتكلم فيها”.
وكان قد احتفل أبطال وصناع فيلم الست يوم السبت الماضي بالعرض الخاص للفيلم، في إحدى سينمات الشيخ زايد، وسط حضور لافت لعدد كبير من الصحفيين ومراسلي القنوات الفضائية.
محمد فراج في العرض الخاص لفيلم الست
وبعد انتهاء عرض الفيلم في السينما، الفنان محمد فراج بتهنئة منى زكي واحتضانها باكيًا، وذلك تأثرا منه بالعمل الذي تجسد فيه منى زكي شخصية كوكب الشرق أم كلثوم.
موعد عرض فيلم الست في السينمات
يُذكر أن فيلم الست من المقرر عرضه يوم 11 ديسمبر الجاري بجميع دور العرض في مصر والوطن العربي، ويتناول أسرار في حياة كوكب الشرق أم كلثوم.
أبطال فيلم الست
ويشارك بجانب منى زكي، في بطولة الفيلم كل من محمد فراج، أحمد خالد صالح، سيد رجب، وتامر نبيل، ويضم العمل عدد كبير من ضيوف الشرف، منهم كريم عبدالعزيز، أحمد حلمي، عمرو سعد، نيللي كريم، وأمينة خليل، والفيلم تأليف أحمد مراد وإخراج مروان حامد، كما يعد العمل واحدًا من أضخم مشاريع الإنتاج السينمائي المنتظرة.
