نيللي كريم عن المشاركة مع مي عمر في عمل فني : موهوبة وأكيد أشتغل معاها|خاص
ردت النجمة نيللي كريم، على حديث النجمة مي عمر حول إمكانية المشاركة مع بعضهما البعض في عمل فني ، وذلك خلال جلستها الحوارية التي أُقيمت منذ ساعات قليلة، ضمن فعاليات مهرجان البحر الأحمر السينمائي.
نيللي كريم ترد على طلب مي عمر العمل معها
وأكدت نيللي أنها ترى أن مي ممثلة موهوبة وتملك شجاعة في اختيار أدوارها، مشيرة إلى أنها بالتأكيد توافق على العمل معها.
مي عمر موهوبة وفي تطور دائم
وقالت نيللي كريم في تصريحات خاصة لموقع نيوز رووم : “شجعت مي عمر أول ما طلعت .. ودافعت عنها في أول ظهور ليها .. وكنت شايفة إن هي موهوبة ومظلومة علشان مرات مخرج .. وهي حاليًا في تطور دائم وشجاعة في اختيار الأدوار .. وممثلة مش شبه حد .. وليها طلة و بريق مختلف على الشاشة .. وبالتأكيد أتمنى أشتغل معاها".
مي عمر تتحدث عن البطولات الجماعية في الأعمال الفنية
وكانت قد تحدثت مي عمر خلال جلستها الحوارية في مهرجان البحر الأحمر، عن البطولات الجماعية في الأعمال الفنية مستشهدة بثنائية أحمد السقا وأحمد فهمي وكريم عبدالعزيز وأحمد عز، وعند سؤالها عن الفنانة التي تتمنى العمل معها ذكرت اسم نيللي كريم.
أتمنى أشتغل مع نيللي كريم
وقالت مي : "البطولة الجماعية بحبها جدًا .. وفي ثنائيات هايلة اليومين دول زي أحمد السقا وأحمد فهمي وكريم عبدالعزيز وأحمد عز .. وأتمنى أشتغل مع نيللي كريم".
التمثيل حلمي من الطفولة
كما كشفت مي عمر خلال نفس الجلسة الحوارية، عن حبها للتمثيل منذ الصغر، وقالت : "عارفة إني عايزة أمثل من وأنا صغيرة .. التمثيل حلمي من الطفولة .. ولما دخلت الجامعة كان صعب على أهلي أقولهم عايزة أدرس تمثيل .. بحكم إننا في مجتمع عربي .. ممكن يوافقوا تمثل بس إنك تدرس تمثيل يرفضوا .. وبيطلبوا تدرس حاجة تانية .. فاخترت أدرس إعلام حاجة قريبة من الفن".
أنا شخص خجول جدًا
وواصلت مي عمر : “لما درست إعلام واشتغلت في الأول كمنتجة ده فادني في شغلي .. وأنا شخص خجول جدًا .. وده كان سؤال عندي .. إزاي أنا كده وأكتر حاجة حابة أعملها عكس ده ؟".
