«مكنتش أعرف».. أول تعليق من جنات على تشابه اسم أغنيتها مع روبي
خرجت المطربة جنات عن صمتها لتوضح حقيقة الأمر خلف تشابه اسم أغنيتها الجديدة “الليلة حلوة”، مع إحدى أغاني روبي، ولكن جنات كشفت أنها لم تكن على علم بهذا الأمر في تصريحاتها الأخيرة.
تعليق جنات على تشابه اسم أغنيتها مع أغنية روبي
حيث ظهرت جنات في إحدى اللقاءات مؤخرًا، وقالت: “للأسف أنا مكنتش أعرف أن في أغنية تاني بنفس الاسم، لو كنت أعرف كنت هغيره، بس للأسف نزلت ومش هينفع، وأن الأسامي تبقى متشابهة ده بيضر شوية، مش حاجة حلوة أن الناس تدور على أغنيتك ويطلعلها أغنية تانية”.
تفاصيل أغنية الليلة حلوة
في سياق متصل، قد دخلت أغنية الليلة حلوة التي جمعت بين النجمة جنات والحسن عادل تريند رقم 1 يوتيوب، وذلك بعد طرحها في أقل من 24 ساعة، والدويتو من كلمات محمود سليم وألحان تيام علي وتوزيع يوسف حسين.
وتقول كلمات الاغنية :
الليلة الليلة الليلة في حوار
فرحتنا وليلتنا هتسمع آخر جار
هنولع الدنيا والدنيا هتبقى نار
هنودي ونودي ونودي لحد الصبح
عشان احنا من الآخر أصلا حريفة فرح
لمتنا وليلتنا حاجه مش محتاجه لشرح
الليلة حلوة والناس دي كلها هنا كده حلوة
جاية فدلع وفرقصة وغنوة
الليلة حلوة دي حلوة دي حلوة ياناس الله
الليلة حلوة والناس دي كلها هنا كده حلوة
جايه فدلع وفرقصة وغنوة
الليلة حلوة دي حلوة دي حلوة يا ناس الله
هنغني ونخلي اليوم آخر جمدان
فيها ايه لو قومنا وقلبناها بجنان
أصل احنا لو روحنا بنولع أي مكان
هنعلي نعلي نعلي فرحتنا هتبقى فوق
فاليوم ده هتجيلنا لو مش رايق هتروق
سهرتنا وليلتنا مش عايزين فيها هدوء
الليلة حلوة والناس دي كلها هنا كده حلوة
جايه فدلع وفرقصة وغنوة
الليلة حلوة دي حلوة دي حلوة ياناس الله
ألبوم ألوم على مين
يذكر أن جنات طرحت ألبوم بعنوان "ألوم على مين" خلال الفترة الأخيرة، وضم عدة أغانى منها أغنية "ألوم على مين" كلمات: أدهم معتز، ألحان: تيام علي، توزيع: يوسف حسين، وأغنية "النص اللي يخص" كلمات: سيد حسن، ألحان: محمود أنور، توزيع: يوسف حسين، وأغنية "مبسوطين" كلمات: عليم، ألحان: إسلام رفعت، توزيع: يوسف حسين، وأغنية "يما قالولي" كلمات: ملاك عادل، ألحان: مدين، توزيع: يوسف حسين، واغنية "توبة" كلمات: عمرو المصري، ألحان: عمرو الشاذلي، توزيع: محمد مجدي، وأغنية "أشيك واحدة" كلمات: عليم، ألحان: إسلام رفعت، توزيع: يوسف حسين، وأغنية "من الليلة" كلمات: محب غبور، ألحان: بلال محمد، توزيع: يوسف حسين، بالإضافة إلى 3 أغنيات أخرى.
