شاب من الغربية يستغيث: عندى مرض نقص مناعة ومحتاج مشروع آكل منه عيش أنا وبنتى

أطلق محمد ابن مدينة طنطا بمحافظة الغربية البالغ من العمر 32 عاما استغاثة للمسئولين  بسبب مرضه النادر نقص المناعة.

وأوضح محمد قائلا "أنا عندى بنت عندها 3 سنوات وزوجتى تركتني ومشيت وتركت طفلتى وهى عندها ٣ شهور والدتى ربتها بعد معرفة زوجتى بمرض نقص المناعة ".

وتابع محمد كلامه قائلا "أنا مرضى جالى بسبب ظلم أنا اتعرضت ليه ثم برأنى قضاء مصر العادل ولكن عندما عدت إلى منزلى عدت بهذا المرض النادر وهو نقص المناعة أنا مهنتى أعمل صنايعى فول وطعمية ولكن أرفض أعمل عند أى حد كى لا أوذى المواطنين ومحدش يدعى عليا زى ما لانا اتأذيت ".

وتابع محمد والبكاء فى عيونه قائلا " أنا كل اللى بطلبه شقة ومشروع اعيش منه أنا وبنتى لأن معاشى 1400 جنيه مش بيعملوا حاجة لا عارف اكل ولا اشرب ولا اسكن وهتطرد من الشقة ".

و أكمل حديثه: "ذنب بنتى فى رقبة كل مسئول رفض يساعدنى انا بطلب من الرئيس عبد الفتاح السيسي والمسئولين عاوز شقة اعيش فيها انا وبنتى ومشروع ناكل منه عيش بالحلال ولو ليا علاج ياريت تعالجونى على نفقة الدولة ".

وتابع حديثه قائلاً" أنا جسمى كله بيفتح ياريس أنا مش عارف انام من الوجع وجسمى كله بينزف دم ".

واختتم حديثه قائلاً" ياريت صوتى يوصل للرئيس والمسئولين عشان خاطر بنتى. بنتى بتشوفنى ببكى بتقولي مالك يابابا؟ أنا بتقهر قدام بنتى ".
وتظل معاناة محمد بين مرض نادر وهو نقص المناعة لطرد من الشقة الإيجار فى الشارع لطفلة تبلغ من العمر ثلاث سنوات ترى قهرة والدها أمامها.