عمرو سلامة: "خليك زملكاوى.. ملك في قرية خير من أمير في مدينة"
بعد دقائق من كتابته منشور له عبر صفحته الشخصية عبر موقع التواصل الاجتماعي “ فيسبوك”، قام المخرج عمرو سلامة والمنتمي لنادي الزمالك بكتابة منشور طويل يحث من خلاله اللاعب أحمد سيد زيزو على البقاء في نادي الزمالك، مؤكدًا على أنه بوجوده يصبح ملكًا في قريته خير من أن يكون أميراً في المدينة.
ووجه عمرو سلامة عدة نصائح للاعب الزمالك أحمد سيد زيزو أبرزها ضرورة شعوره بالفخر تجاه نفسه، لافتًا إلى أنه من الهدافيين التارخيين للزمالك، ولديه أرقام مميزة محلي وإفريقيًا .
وقال عمرو سلامة في منشوره الذي قام بحذفه بعد أن تعرض لهجوم حادة من مشجعي القلعة البيضاء: "لازم تكون حاسس بفخر كبير آه، رقميًا أنت من هدافي الزمالك التاريخيين، وأرقامك مميزة وقياسية، لكن أظن الرقم القياسي الأهم هو عدد الساعات الإعلامية، وعدد نقاشات القهاوي والكافيهات، وعدد البوستات اللي على السوشيال ميديا، اللي الناس كلها كانت بتتكلم فيها عنك، في آخر ست شهور، موضوع التعاقد مع زيزو كان نقاش متكرر أكتر من مواضيع في السياسة، والأحداث الإقليمية، والاقتصاد، والفن، ماعتقدش أن في لاعب في تاريخ مصر حصل له كل ده. آه، كان في لعيبة ليهم لحظات مشابهة، لكن مش بنفس الزخم ده، لدرجة أن الزمالك والأهلي نسيوا إن الاتنين الاحتمال الأقرب مش هياخدوا الدوري السنة دي، وتحول انتصار الموسم ليهم هو "مين هيمضي زيزو"، وكأن اللي كسبك كسب الدوري.
وعرض سلامة أحد مميزات اللاعب وهى حب جمهور الكرة المصرية له، سواء الأهلي أو الزمالك، وقال: “ كمان من مميزاتك إنك لاعب أغلب جماهير الفرق التانية ما بتكرهكش. عمرك ما كنت مستفز، ولا أخدت موقف عدائي، ودي ميزة نادرة في الكورة”.
وتابع عمرو سلامة قائلًا: “بس للصدق، أنا كمشجع، ولإني ماعرفكش على المستوى الشخصي لسة للأسف، فحبّي ليك مشروط بإنك زملكاوي. ولو رحت الأهلي، أكيد هتكون فيه مشاعر غضب وإحباط. وبسبب سذاجة المشجع الطبيعية، مش هفكر بقى في الاحترافية، ولا هقدر أستوعب إنك بتدور على مستقبل أفضل. ساعتها هشعر إنك خنتنا، وأعتقد ده هيكون شعور أغلب الزملكاوية، بعد ما كنت معشوق جماهير فريقك، وتحترم من المنافس، هتبقى محبوب من جماهير الفريق الجديد، لكن مكروه بشدة من جمهورك الأصلي, خصوصا بعد كل الجدل اللي حصل والمكايدة السودة المهببة اللي هتحصل، بعقلانية أو منطق".
واختتم سلامة حديثه قائلًا: "خليك في الزمالك يا زيزو. ملك في قرية، خير من أمير في مدينة... آه احنا بالمقارنة قرية، بس قرية أهلها طيبين وحمولين وصبورين وحتى بنعمل ساعات من الغلابة رموز، إنما المدينة زحمة وعندها بدل الموهبة مية واقفين طابور، وما بترحمش، وما بتصبرش، ومابتسامحش، لأنها دايمًا "فوق الجميع".
