محمد الدسوقي رشدي يفتح النار على الإعلام الرياضي: «خلل يجيب جلطة»
انتقد الكاتب الصحفي والإعلامي محمد الدسوقي رشدي، في منشور له، ما وصفه بحالة "الخلل الكبير" داخل الوسط الإعلامي الرياضي، مؤكدًا أن الأمر لا يتعلق بالأهلي أو الزمالك.
وقال رشدي عبر موقع التواصل الاجتماعي فيسبوك: "هو فى خلل كبير، خلل يجيب جلطة، وأرجوكم الموضوع مالوش علاقة بأهلى وزمالك والله خالص".
https://www.facebook.com/share/1GtD6KoJZD/
وأضاف متسائلًا عن أسباب الهجوم على أحد الإعلاميين بسبب استضافته المدير الفني السابق للزمالك، قائلًا: "يعنى ايه إعلاميين متخصصين فى الرياضة – المفترض يعنى إنهم كده – عاملين حملة شرسة على إعلامى زميل ليهم لأنه عمل حوار مع المدير الفنى السابق لنادى الزمالك.. ماهذا العبث يا جماعة؟ ما كل هذه الجرائم اللى بتعملوها؟".
وتابع رشدي: "فى الإعلام يا سادة كل برنامج من حقه يختار ضيوفه.. إنتم كده بتدمروا المهنة تماما".
وأوضح: "لما مذيع يجيب ضيف متسألوش انت ليه جبته، لكن تهاجم مذيع عشان جاب ضيف معين.. إنتم كده ضد المهنة".
وواصل حديثه منتقدًا عدم فهم البعض لطبيعة اختيار الضيوف، قائلًا: "لو مش فاهمين ان جزء من اختيار الضيوف بيكون مبنى أحيانا على الوقت ونوع الضيف.. شوبير اختار ضيف صح".
وأضاف مؤكدًا: "شوبير معملش كده فى قناة الأهلى مثلا انتم بتكتبوا شهادة وفاة المهنة دى وبتضحكوا الناس عليكم".
كما تساءل رشدي عن تغير مواقف البعض تجاه فيريرا وجون إدوارد، قائلاً: "ليه كلكم دلوقتي طالعين تشتموا فيريرا وجون إدوارد.. هل معنى كده انكم كنتم بتضللوا جمهور الزمالك ولا بتساعدوا الإدارة على الغلط؟".
واستطرد: "وقبل ما تقولوا حاجة، اجتهدوا وهاتوا كولر أو موسيمانى، بدل ما بتقولوا الكلام ده على لسانكم".
وختم رشدي منشوره قائلًا: "ليه ياجماعة عاوزين تبقوا ملكيين أكتر من الملك؟ ليه يبقي فيه شوية جهلة عاوزين شهرة سهلة، تسمحوا لهم يعملوا القرف ده".
