والدة جنى تكشف اللحظات الأخيرة قبل الحادث: "الأرض كانت غرقانة دماء"

روت والدة الطفلة جنى، ضحية حادث الدهس بمدرسة الشروق، تفاصيل مأساوية عن اللحظات التي سبقت وفاة ابنتها خلال لقائها مع الإعلامية ريهام سعيد في برنامج "صبايا الخير" على قناة النهار، مؤكدة أنها تريد القصاص العادل وأن الحقيقة ستظهر للجميع.

 آخر اتصال قبل الحادث

وقالت الأم إن ابنتها كانت على وشك إنهاء درسها بعد المدرسة، وأجرت معها مكالمة قصيرة:"أنا ادتلها التليفون عشان المفروض هي بيبقي عندها درس بعد المدرسة… فكلمتني قالتلي أنا خرجت من المدرسة، قولتلها هاتي باتيه كلي عشان انتي بترجعي الساعة 5".

وأضافت:"هي المفروض هتعدي الشارع تجيب… لقيتها بعد شوية بتترن تاني وقالتلي: 'اي جني في حاجة'… لقيت صحبتها اللي بترد عليا بتقول الحقينا يا طنط، جني بتجيب دم من كل حتة، والأرض كانت غرقانة دم".

صدمة الأم عند رؤية ابنتها

ووصفت الأم اللحظات التي تبعتها الحادث، قائلة:"واحد رد عليا من الشارع قال لي تعالي شوفي بنتك، وباباها كان لسه جاي ياخد أخوتها… قولتلوا الحق البنت روحت العيادة".

وأضافت:"وبتاع الأمن قال لي بنتك وشها غرقان دم… أبوها اتصل قالي إنتي فين؟ قولتله أنا داخلة على المستشفى… قالي بنتك ماتت". 

الحادثة بسبب السرعة الجنونية للسيارة

وأكدت الأم أن المتهمة كانت تسير بسرعة جنونية، مشيرة إلى أن ابنها حاول التهرب من المسؤولية:"هي الست كانت سايقة بسرعه جنونية… وهي قالت لابنها أنت السبب يبقى… أكيد في شبه جنائية". 

مطالبة بالقصاص وشهادة حق

اختتمت الأم حديثها بمطالبة بالقصاص وبتسجيل شهادة حق لابنتها، قائلة:"أنا عاوزة حق بنتي في الدنيا وفي الآخرة… أنا عاوزه شهادة حق إن بنتي عمرها ما تخطو خطوة مش محسوبة… بنتي مش من البنات اللي تدلع".

وفي نفس السياق أوضحت الأم أن ابنتها كانت تطلب الذهاب مع أصدقائها بعد الدرس، لكنها رفضت في البداية، قائلة "بنتي قعدت تقول لي أنا عاوزة أروح الدرس مع صحابي أتمشي معاهم، وأنا رفضت بعدين عربية باباها راحت التصليح، قالتلي: أهو هروح بقى.. قولتلها طب روحي وياريتني ما قولتلها روحي."