اللي بينتقدوا ناس فاضية .. يسرا تدافع مجددًا عن منى زكي
خرجت الفنانة الكبيرة يسرا مجددًا للدفاع عن الفنانة منى زكي ضد منتقدي فيلمها الست، المقرر عرضه اليوم في مهرجان مراكش السينمائي ويوم 10 ديسمبر الجاري في دور العرض السينمائي بمصر والوطن العربي.
يسرا تدافع عن فيلم الست
وأشارت يسرا في تصريحات تلفزيونية على هامش مهرجان مراكش، إلى تعجبها من آراء الناس عبر السوشيال ميديا، مستنكرة من يعتبر هؤلاء نقاد حقيقيين، وقالت يسرا : “اللي بينتقدوا دول شافوه ؟ .. أو يعرفوا إيه اللي جوا ؟ .. وحضرتك مين اللي بينقد شوفته فين ؟ .. ومفيش ناقد قال النقد ده عن الفيلم”.
لازم اللي بينتقدك يكون فاهم بيقول إيه ؟
وتابعت : “ بس في ناس على السوشيال ميديا فاضية بتقولك مين دي اللي هتعمل الست ؟ .. ولازم اللي بينتقدك يكون فاهم بيقول إيه وعلى الأقل شاف الفيلم .. غير ده كل مالوش الحق .. والسوشيال ميديا بتدي للي له حق واللي مالوش حق يتكلم”.
واختتمت يسرا : “لازم الناس تعرف تفرق بين الشئ المدفوع والكلام الحقيقي .. ولو مشيت ورا السوشيال ميديا تبقى بتلغي نفسك”.
يسرا تروج لفيلم الست
وكانت قد دافعت يسرا منذ أيام قليلة، عن فيلم الست، من خلال تصريحات تلفزيونية، حيث قالت : "بقولكم اقعدوا اتفرجوا على فيلم عظيم لفنانة حلوة أوي وعظيمة جدًا .. ولمخرج رائع وهو مروان حامد .. وشوفت التريلر وعارفة قد إيه بيشتغلوا فيه .. والتريلر فاجأني وعجبني أوي وباركت لمروان على طول .. وهما عاملين شغل محصلش".
اقتنعت بشكل منى زكي بلوك أم كلثوم
وواصلت يسرا : "اقتنعت بشكل منى زكي كأم كلثوم بالمكياج واللوك اللي معمول .. والمخرج عليه عامل عظيم مع أي ممثل .. ومنى ممثلة كبيرة جدًا .. وممثلة مهمة في جيلها .. فأنا شايفة إن دي من أهم خطواتها الفنية بدون شك".
انتقادات فيلم الست بعد طرح الإعلان
وكانت قد أثيرت حالة من الجدل، فور طرح إعلان فيلم الست بطولة النجمة منى زكي، حيث خرجت كثير من الآراء التي تنتقد منى زكي من حيث المكياج والظهور، ورأوا أنها لا تشبه أم كلثوم وأن الدور لا يليق عليها، بل وسخر كثيرون من مظهرها، منهم عدد من النقاد ورواد السوشيال ميديا.
