محمد صلاح يحكي مسيرته لابنته «كيان» خلال مشاركتهما في إعلان بيبسي ستار
شارك النجم محمد صلاح، لاعب منتخب مصر وأسطورة نادي ليفربول الإنجليزي، في إعلان ترويجي لصالح شركة "بيبسي" عن برنامجها لاكتشاف المواهب في مصر “بيبسي ستارز”.
وظهر "صلاح" في الإعلان برفقة ابنته الصغيرة "كيان"، ودار بينهما حوار عفوي لاقى تفاعلا واسعا من الجمهور.
وظهرت ابنة محمد صلاح "كيان" وهي تسأل والدها: "هو أنت بتحب شغلك؟.. ليه؟"، ليرد صلاح قائلًا: "بحب شغلي؟ من وأنا في سنك كنت بحلم أكون لاعب كرة.
دا كان أحلى حلم في العالم، شفت الكرة بتخلي الناس تفرح من قلبها، وفي ناس تانية بتعيط بسببها، وشفت ناس بتخاف وبتقلق، وناس تانية بتتصالح بسببها، شفت ناس مكنتش بتحس بحاجة، بقت تحس بكل حاجة.. فده خلاني أتجنن.
وأضاف صلاح: مكنتش شايف حاجة تانية غير كرة القدم، نزلت ألعب وألبس تيشيرت اللاعب اللي بحبه، وأتخيل إني ممكن أكون أفضل منه، لغاية ما الحلم كبر، وقلت: هل ممكن الناس تكون لابسة تيشيرت عليه اسمي؟ ويهتفوا باسمي؟.
"ده حلم حلو أوي"
ثم جاء رد ابنته التي قالت: "ده حلم حلو أوي"، ليرد صلاح: "آه، بس الموضوع مش سهل، كنت لازم أصحى قبل أي حد عشان أتمرن، وأكمل، وأظل آخر واحد ينام عشان أخلص مذاكرتي.
كنت لازم أعيش بعيد عن الناس اللي بحبها، وكملت رغم الإصابات، واتعلمت الصبر وأنا شايف زمايلي اللي نفسهم ياخدوا مكاني بيتطوروا، وكملت حتى لما فكرت إني وصلت، لقيت نفسي على دكة البدلاء، وكملت رغم اللي قالوا إني مش هكمل، وبرضه كملت.
وأردف النجم محمد صلاح: عشان لو حلم زي ده لو اتحقق، ممكن يحقق حلم بلد معاه.. مفيش زي حلم الكرة.
حالة من الجدل
وعلى صعيد، آخر يستمر اسم النجم المصري محمد صلاح في تصدر العناوين داخل الصحافة البريطانية والعالمية، مع كل تفصيلة صغيرة تتعلق بمستقبله داخل نادي ليفربول، وذلك في ظل حالة الجدل المتواصلة حول وضعه الفني تحت قيادة المدير الفني الجديد آرني سلوت.
ورغم أن صلاح ظل لسنوات أحد الأعمدة الأساسية في تشكيلة الريدز، إلا أن الأيام الأخيرة شهدت تطورات لافتة أثارت علامات استفهام واسعة حول حقيقة مستقبله.
