قلبي ميت.. مادلين طبر: دخلت قفص أسود وكان معايا ضحية واقعة طنطا |خاص

كشفت الفنانة مادلين طبر تفاصيل صادمة عن إصابتها من أسد خلال خلال استضافة مدرب الأسود محمد الحلو في برنامجها قبل أكثر من عام، مشيرة إلى أنها بعد ذلك قررت أن تذهب للسيرك الذي يتواجد فيه الأسد ودخلت القفص في محاولة للتقرب من الأسد وتقبيله، وحينها كان محمد بسطاويسي ضحية واقعة سيرك طنطا مساعدًا في هذا السيرك، وفوجئت بعدها أنه أصيب في سيرك طنطا بعد هجوم النمر عليه.

وقالت مادلين طبر خلال تصريحات لـ نيوز رووم: “أسد هاجمني قبل عام خلال استضافتي مدرب الأسود محمد الحلو ببرنامجي، بعدما حضني وناغشني وبعدها عضني في إيدي، وإيدي ورمت وحرارتي ارتفعت وكنت على الهواء مباشرة وبعد انتهاء الحلقة صرخت وقلت لهم ودوني المستشفى وخدت ست أيام إجازة، وبعد شهرين قلت خليني أجرب أشوف عنده ذاكرة ولا لأ، وأخدت الكاميرات وروحنا على السريك اللي في 6 أكتوبر وأنا مش بخاف لأني صديقة حيوانات وبأكل كلاب الشوارع”.

قلبي ميت وأصريت أبوس الأسد

وأضافت مادلين طبر: “ا المدرب كان هيتجنن لأني دخلت القفص وأصريت أبوسه واللي أنا عملته ده جنان مكنتتش أعرف خطورته، وقلبي ميت، والأسد كان جعان بقاله يومين مكالش والولد الغلبان اللي النمر أكل إيده كان جنبه وهداه، وقال لي بلاش".

وأكملت مادلين طبر: “لما قالوا لي أنه جعان جبت له كيلو لحمة خدت منهم طرنشاية للبيت لأن اللحمة بقيت غالية، وبعد مرور سنة، بنتي بعتت لي من يومين وقالت لي هو اللي كان معامي في السيرك هو نفسه الولد اللي النمر هاجمه في السيرك بطنطا، قلت لا إله إلا الله،  وربنا ستر ومحصليش حاجة”.

وأردفت مادلين طبر: “بنصح الجمهور محدش يستهون بالحيوانات المفترسة أنا أخدت بالي من خطورة الأمر بعد اللي حصل مع بسطاويسي، وبعد ست شهور، جالي  اكتئاب وحزن شديد وكنت كارهة الحياة ونايمة ومش عاوزة أشوف الناس روحت لدكتور الغدة الدرقية، عملنا فحوصات طلع نص الغدة الشمال مش شغالة، وكنت خايفة يكون السبب عضة الأسد، لكن الدكتور قال لي معتقدش أنها السبب”.