إحنا شعب جميل لغتنا المصرية جميلة.. أسامة منير يعقب على بعض ألفاظ الجمهور
روج الإعلامي أسامة منير فيديو له فيه تعقيب علي الألفاظ المتداولة في هذه الفترة بين الشباب ، حيث نشر علي الحساب الرسمي عبر موقع تبادل الصور والفيديوهات إنستجرام .
وعلق أسامة منير علي الفيديو قائلًا:"تعقيب صغير علي ألفاظنا".
قال أسامة منير في الفيديو :"تعقيب بسيط علي ألفاظ إحنا بنقولها بتبين إننا مش أوي يعني ، مفيش حاجة إسمها بناطيل ولا بلايز ولا شميزات ، بلايز تبقي بلوزات ، وبناطيل تبقي بنطلونات ، شميزات تبقي قمصان عادي نقول قميص ، والشوزات اسمها جزمة عادي مش لازم تقول قلها لمؤاخذة ، بنقول لمؤاخذة جزمة لمؤاخذة حمام .. لا مفيش داعي عادي إسمها جزمة ، ما هي لبس زيها زي البنطلون والنضارة وأي حاجة عادي".
تابع منير :"مفيش حاجة إسمها فليزر أسمه فريزر ، كل حاجة بسيطة جدًا ، بقينا نطلع جمهور غريب زي كلمة صاحبي يا صاحبي يا صاحبي اللي بقيت مألوفة بين الشباب ، لي أصل يا صاحبي لما كنت يا صاحبي ويا صاحبي وكنت يا صاحبي وفي كل شوية كلمة يا صاحبي في نص الكلام".
وأضاف " لي دا إحنا شعب جميل لغتنا المصرية دي كل العالم العربي بيتكلموها وبيفهموها ، لي بقي نعقدها كدا ، ياريت يبقي عندنا رقي وإحنا بنتكلم ، يعني بلاش بلوفرات خليها بلوفر عادي ، مش عارف أقولكوا أي والله ، والترينج مفيش حاجة إسمها ترينج إسمه سوت عادي ، يعني في شويه كلام عادي كدا نظبط بقي الدنيا عشان خاطري".
وأختتم منير قائلًا:"نفسي أشوف الدنيا كلها حلوة ، دا ليكم ولأولادكم والدنيا كلها".
تكريم أسامة منير كأفضل مذيع مصري
في سياق أخر ، أعرب الإعلامي أسامة منير عن سعادته بتكريمه الأخير كأفضل مذيع مصري للعام الثاني على التوالي، حيث شارك جمهوره صورًا من التكريم عبر الحساب الرسمي عبر موقع تداول الصور والفيديوهات إنستجرام ، كما علق أسامة منير علي المنشور قائلًا :"تكريم بيأكد إن الكلمة اللي طالعة من القلب.. بتوصل ديما للقلب، شكرا لكل من ساهم في هذا النجاح .. كل الشكر ليكم".
حديث أسامة منيرعن الخيانة
في سياق منفصل، كشف الإعلامي أسامة منير أن أسوأ إحساس يشعر به الرجل هو الخيانة ، وقال أسامة منير عبر حسابه الشخصي بموقع إنستجرام: أسوأ حاجة على أي راجل أنه يحس بالخيانة والغدر من أقرب الناس ليه، حبه الحقيقي، كما أضاف أسامة منير: الغدر والخيانة بالنسبة للراجل زي ما تكون سكينة واتدبت في ضهره، زي ما يكون حد جه من ضهره ولف حبل على رقبته وشده وخنقه" ،وتابع أسامة منير: خيانة الراجل ليها بدل الحسبة مليون حسبة غير خيانة الست.
