محمود سعد يطلق صرخة: "التعليم في مصر يحتاج وقفة كبيرة قبل فوات الأوان"
قال الإعلامي محمود سعد في بث مباشر عبر حسابه على فيسبوك: "إحنا متابعين زيكم السوشيال ميديا واللي بيحصل عليها اللي بيحصل في المدارس محتاج وقفة كبيرة، المدارس فيها تحرش وتنمر وحاجات سيئة جدًا، وفي أولاد بيقولوا كلام ماينفعش يتقال للمعلمة".
الغش في الامتحانات كارثة كبيرة
وأضاف سعد: "أنا ما بقابلش ولد في الشارع إلا لما أسأله: بتعمل إيه وبتدرس إيه؟ أسأله بتروح المدرسة يقولي مش بروح غير على الامتحان طب بتعرف تقراه؟ يقولي يعني، طب سألته بتعمل إيه في الامتحان؟ قالي: آهو بنغش دول كوارث كبيرة أوي، والدولة بتصرف على التعليم مالوش أول ولا آخر. العيال لا بتروح المدرسة ولا بتتعلم، بيروحوا يمتحنوا بالغش وينجحوا".
الدروس الخصوصية والحاجة لنظرة صادقة
وأشار سعد إلى أن "المصريين مضطرون أن يدفعوا، معتقدش إن في أب ابنه بيتعلم كويس في المدرسة، وغاوي يدفع 500 جنيه في الحصة الخصوصية محتاجين نظرة صادقة ومركزة عشان نوصل لحل طول ما في كدا، التحرش هيبقى موجود والتنمر هيبقى موجود، وعدم التعليم مينفعش يبقى موجود المدارس محتاجة نظرة حقيقية، وننقل المجهود اللي موجود في السناتر جوه المدرسة".
رؤية مستقبلية للتعليم في 2045
وأكد سعد بقوله "إحنا دلوقتي في سنة 2025 وعايزين في سنة 2045 يبقى التعليم على أحسن مستوى في كل مصر، مش بس المدارس الخاصة الغالية. المدارس محتاجة نظرة حقيقية بهدف الإصلاح، والمجهود اللي موجود في السناتر لازم يتنقل جوه المدارس عشان نحسن مستوى التعليم بشكل شامل".
وفي وقت سابق كشف الإعلامي المصري محمود سعد عن أحد الأسئلة التي تشغل باله دائمًا ، وجاءت علي النحو التالي: "أنت ليه لسه بتشتغل؟ وقال محمود سعد: دا السؤال اللي دايما بفكر فيه، حيث نشر فيديو من اللقاء علي الحساب الرسمي عبر موقع تبادل الصور والفيديوهات إنستجرام.
ورد محمود سعد علي سؤاله :"أنا كان عندي أفكار أساسية إن الواحد بييجي عند مرحلة معينة بيكن بعدها كنت أتمني يطول العمر وأعيش حواليك ، كنت أتمني لما أكبر أكون متفرغ لأمر أخر غيرالشغل ، غير الكاميرا وغير التصوير وغير الكتابة وكل دا ، كنت أحب ابقي في حالي وأعمل الحاجة اللي كنت بحبها وأنا صغير وإخلص ليها اكتر ، كنت هقول لنفسي لي دي رغبتك الحقيقية ، وهل انت صادق ولا أنت بتقول لنفسك كدا وبردو بتشتغل ، لدرجة إن الواحد ساعات مش بيكون فاهم نفسه ولا أي الحكاية؟؟
