كريم الشناوي: الحرية المطلقة في الإبداع سر نجاح «لام شمسية»
أكد المخرج كريم الشناوي دعمه الكامل لفكرة الحرية المطلقة في الإبداع، مشيرًا إلى أن الأعمال الفنية الناجحة لا يمكن أن ترى النور دون مساحة واسعة من حرية التعبير التي تمنح لصنّاعها القدرة على تقديم رؤيتهم بصدق وجرأة.
لم يكن من السهل إنتاجه
وأوضح "الشناوي"، خلال مداخلة هاتفية ببرنامج «كلمة أخيرة» مع الإعلامي أحمد سالم على قناة ON، أن مسلسل «لام شمسية» لم يكن من السهل إنتاجه في بدايات الفكرة، حيث واجه الكثير من الاعتراضات التي قالت إنه «لا يجوز تنفيذه»، مضيفا: «في النهاية العمل اتعمل لأننا كصناع تمسكنا به، وأصرّينا يطلع بالشكل اللي عايزينه، والحرية دي هي اللي سمحت بخروج أعمال كبيرة ومهمة».
وأعرب عن تقديره لجهاز الرقابة الذي لم يتدخل في العمل، ولـ الشركة المتحدة للخدمات الإعلامية التي وصف دعمها بأنه دعم فني حقيقي دون أي توجيه، مؤكدًا: «إحنا مش في خناقة، إحنا عايزين نعمل شغل كويس».
وجود رقابة واحدة مقبول
وأشار «الشناوي» إلى أن وجود رقابة واحدة مقبول طالما أنها لا تتجاوز حدودها، لكنه عبّر عن أمنيته في إلغاء منظومة الرقابة بالكامل لتحقيق حرية إبداع مطلقة، وانتقد تكرار وجود لجان رقابية متعددة قائلاً: «ليه يكون في لجان تانية مهمتها الرقابة أيضا، اللي بيحصل في الصناعة دلوقتي مش في صالحها».
وفي سياق أخر، كشف المخرج كريم الشناوي عن عدة انتقادات واجهت فيلم ضي منذ بدء تنفيذه لعدم صلاحيته للعرض أمام الأطفال والمراهقين، حيث أنه يتماشوا مع متطلبات العصر من السرعة فلا ينجذبوا إلي تلك الفيلم، ولكن بعد عرض الفيلم اكتشف كريم الشناوي عن كل هذه الانتقادات ليس لها أساس من الصحة.
عرض فيلم ضي في المدارس
حيث نشر كريم الشناوي مقطع فيديو عبر حسابه الرسمي على موقع تبادل الصور والفيديوهات إنستجرام، من عرض الفيلم في إحدى المدارس، ومدى تفاعل الأطفال معه، وعلق عليه قائلًا:" وإحنا بنعمل فيلم ضي كانوا دايمًا يقولوا لينا إن المراهقين وطلبة المدارس مش جمهور الفيلم ده.. وإنهم عاوزين حاجات سريعة زي تيك توك.. لكن الفيديو ده من عرض لطلبة مدرسة.. بيقول العكس.. اتفرجوا، ناقشونا، وحبوا الفيلم.. وخلال الأسبوعين اللي فاتوا كان عندنا ٧ عروض لمدارس مختلفة.. هم اللي تواصلوا معانا أو مع السينمات عشان ييجوا يشوفوا الفيلم ويتكلموا عنه بعد كده في القاعة أو جوه المدرسة.. الأسبوع الجاي كمان في ٥ عروض جديدة.. وبنشتغل دلوقتي على إن مدارس حكومية في القاهرة و برّه القاهرة ييجوا يشوفوا الفيلم بدعم مؤسسات عامة و غير حكومية.. فيلم ضي بيتشاف وبيتناقش وسط الجيل اللي اتقال إنه مش مهتم.. ودي بالنسبة لينا أكبر فرحة”.
