تعب أوي عشان يبقى نجم.. أمينة توجه رسالة لـ تامر حسني
حرصت المطربة أمينة على توجيه رسالة دعم ومساندة للمطرب تامر حسني بعد تعرضه لوعكة صحية أخيرة، وذلك من خلال منشورًا تسترجع من خلاله ذكرياتهما عبر حسابها الرسمي على موقع تبادل الصور والفيديوهات إنستجرام.
رسالة أمينة للمطرب تامر حسني
وقالت أمينة في رسالتها: “ربنا يشفيك ويقومك بمليون سلامة يا تامر يا جدع يا محترم، اللى ما يعرفش أن أنا أول مره شفت تامر وهو صغنن وماسك جيتاره هو ومحمد عدوية كنا فى مكتب الاستاذ صلاح الشرنوبى، عشان كان بيعمل شريط اسمه شرنوبيات، المهم أنى كنت من اللى بيقدمو نفسهم وموهبتهم وكده وساعتها اتفرجت على شريط فيديو تامر كان جايبه لاستاذ صلاح يفرجه عليه، الفيديو ده كان تامر بيغنى فعلياً فى قناة النيل لايف أو دراما مش فاكرة بالظبط واللى اديتله الفرصة ساعتها الاستاذة سلمى الشماع، وكلنا انبهرنا بيه كلنا وحسيت ساعتها أنى قاعده مع حد نجم أوى ومشهور أوى، رغم انه لسه يادوب بيبتدى، المهم اللى أنا عايزة اقوله أن تامر تعب أوى أوى أوى عشان يبقى نجم، وبقى نجم كبيييييير اوى اوى اوى، قدها يا تيمو ويارب تقوملنا بالسلامة يا صاحبى، ياللى مافيش مرة قابلتنى فيها إلا وكلك احترام وذوق، ومابتنساش أصلك وتعبنا من واحنا صغيرين، ادعو لتامر يقوم بالسلامة لحبايبه ولولاده ياررررب”.
أزمة تامر حسني الصحية
في سياق متصل، كان قد كشف الفنان تامر حسني يوم الثلاثاء عن خضوعه لعملية جراحية نتج عنها استئصال جزئي من الكلى، حيث شارك صورة له من داخل المستشفى مستلقيًا على سرير المرض وبجانبه ابنته تاليا، وكتب: “مكنتش ناوي أتكلم في أموري الشخصية .. بالعكس كنت بحاول أبان عادي .. بس بما إن الخبر تم تداوله .. أنا بقالي فترة بعاني وعندي أزمة صحية في الكلى، وومن أيام احتجت للتدخل الجراحي الفوري .. وتم استئصال جزئي من الكلية .. والحمد لله على كل حال .. شكرًا لكل اللي بيحاول يطمن عليا .. شكرًا لكل اللي دعالي وبيدعيلي”.
حرص عدد من نجوم الفن على الدعاء للفنان تامر حسني، ومنهم الفنان أحمد فلوكس الذي دعا له من داخل الحرم المكي، وكتب: “ربنا يشفيك ويعافيك ويرجعك لبيتك وعيالك سالم غانم يا حبيبي”.
وقد فاجئ النجم تامر حسني جمهوره وكشف لأول مرة عن معاناته صحيًا، مشيرا إلى أنه خضع لعملية جراحية نتج عنها استئصال جزئي من الكلى.
