عمرو أديب: أنت مسؤول عن اختيارك.. واللعبة الديمقراطية تسمح لك بتغيير ممثليك

قال الإعلامي  عمرو أديب، أنت مسؤول عن اللي أنت هتجيبه، اللعبة الديمقراطية تسمحلك، إنك متنتخبوش تاني، كل اللي انت عايزه في انتخابات نزيهة موجود، ، كلنا شوفنا فعل الرئيس ورد فعل الهيئة.

وتابع، خلال تقديمه برنامج الحكاية، والمذاع عبر قناة إم بي سي مصر:"الناس اللي قاعدة ع القهوة وبتلعب في صوابع رجليها، وبتقول ده ينفع وده ما ينفعش، أنا عندي حد المفروض اثق فيه، وهو الهيئة الوطنية للانتخابات".
 

وأضاف:" مفيش انتخابات من غير سلبيات، وعلشان الديمقراطية في الدولة ليست بالنضج الكافي، يبقى لازم نتحمل، كل الناس اللي بتروح، علشان تدي صوتها، والأيام الجاية فرصة حقيقة لانتخابات فيها شفافية وتعبر عن الناس.

واستطرد:"مجلس النواب هو الوحيد المؤثر فيك، كل القوانين اللي بتتفاعل معاها يوميا، قانون الإجراءات الجنائية وقانون الايجار القديم، خليني احرض تحريضا كبيرا للمشاركة في انتخابات مجلس النواب 2025، الامر يستحق المشاركة، الدولة أشارت إلى ضرورة التصويت، والأمر ظهر بدءا من حديث الرئيس السيسي عن الانتخابات.

إرادة الدولة تشير إلى أن هذه الانتخابات يجب أن تتم على أكمل وجه

وتابع:"إرادة الدولة تشير إلى أن هذه الانتخابات يجب أن تتم على أكمل وجه، وغالبا الانتخابات في العالم، ممكن يكون فيها خروقات ومشاكل، لكن المهم ان الدولة تريد أن تضعك في الصورة.

وفي وقت سابق، قال أديب، إن الديمقراطية تعني الأخذ برأي الأغلبية مع احترام رأي الأقلية، مشددًا على أن الانتخابات فرصة ذهبية على المواطنين استغلالها بطريقة صحيحة ووفق القواعد المرعية.

تبيع صوتك ده وزر

وأضاف أديب: "إنت كناخب تبيع صوتك ده وزر، وده حرام، وإحنا في بلد ديني يحترم الحلال والحرام، وبيع الصوت حرام"، متحديًا أي شخص من علماء الدين، بمن فيهم شيخ الأزهر شخصيًا، أن يقول له عكس ذلك.

وشدد الإعلامي عمرو أديب على ضرورة ممارسة الحق الانتخابي بما يرضي الله ويحقق المصلحة الوطنية، مؤكدًا أن الالتزام بالقيم الدينية والقانونية هو الضمانة لاختيار قيادات صالحة.

وفي سياق آخر، قال عمرو أديب: "الكلام كله يا جماعة متبيعش صوتك ومحدش يأثر عليك، وإحنا طلع في تجاوزات، طيب أنا بسأل ليه مانعرفش نعمل انتخابات بما يرضي الله، زي 90% من شعوب العالم؟ كل واحد يروح ينتخب الشخص اللي مقتنع بيه، وصوتك أمانة، واختار الإنسان اللي انت شايفه كويس".

 رفع الأعلام الحمراء

وأشار عمرو أديب إلى أن المرحلة الأولى من الانتخابات شهدت رفع الأعلام الحمراء وتدخل الرئيس، لكنه أكد أن المطلوب هو إتاحة الفرصة للمواطنين لاختيار من يثقون فيه بحرية تامة، بعيدًا عن أي ضغوط أو تأثيرات خارجية.