بعد أزمتها الأخيرة.. رحمة محسن تعيش انتعاشة فنية بين الغناء والتمثيل
تعيش المطربة الشعبية رحمة محسن حالة من النشاط الفني خلال الفترة الحالية، حيث تستعد للمشاركة في الدراما بمسلسل علي كلاي رفقة الفنان أحمد العوضي بجانب طرحها لأعمال غنائية جديدة وتكريمها في مهرجان ذا بيست، إلى جانب انتظار عرض عدد من المشاريع الجديدة.
حديث رحمة محسن عن دخولها التمثيل
وقالت رحمة في لقاء سابق إن أحمد العوضي هو من شجعها على دخول عالم التمثيل بعد نجاحها كمطربة، مشيرة إلى أنها ستقدّم في المسلسل أغنيتين جديدتين بصوتها، مؤكدةً أن الدور الذي تجسده مختلف عن كل ما قدمته سابقًا، إذ تظهر فيه بشخصية تجمع بين الشهرة والحب والخوف من الفضيحة.
أغنية برنامج مقالب
أعلنت الفنانة رحمة محسن عن إطلاق أحدث أعمالها الغنائية التي تحمل عنوان “برنامج مقالب”، وذلك بالتزامن مع أزمة تسريب فيديوهاتها الأخيرة، وأعلنت عن ذلك من خلال حسابها الرسمي على موقع تبادل الصور والفيديوهات إنستجرام.
إطلاق أحدث أعمال رحمة محسن الغنائية
ونشرت رحمة محسن مقطع فيديو من الأغنية، وعلقت قائلة: “أنا اتبهدلت وياكوا، كإني ماكنتش أعرفكوا، ده بالغل إللي جواكوا، ده ربنا مش هاينصفكوا، الله يكسفكوا، برنامج مقالب دلوقتي علي كل المنصات، كلمات ملاك عادل، ألحان مصطفي العسال، توزيع إسلام ساسو، هندسة صوتية هاني محروس، إنتاج إن چي ميوزك”.
تكريم رحمة محسن من مهرجان ذا بيست
حصلت الفنانة رحمة محسن على تكريم من مهرجان ذا بيست لأفضل أغنية لعام 2025 وحرصت على توجيه رسالة مؤثرة تروي فيها عن تجاربها الشخصية وصعوبة مشوارها الفني والنجاح الذي وصلت له في السنوات الماضية .
وكتبت رحمة محسن على صفحتها الرسمية على موقع التواصل الاجتماعي إنستجرام: “مشاعر كتير جوايا من كترها مش قادره أعبر.. لكن مهم أوي أتكلم عن شويه دروس مستفادة. إن الإنسان لازم يتقبل إن نجاحه ممكن يكون بياكل ف قلب ناس مريضه .. وإن في أشخاص ممكن ماتنامش الليل لو حسوا إنك ف خير وكرم من ربنا .. وإن في ناس ممكن تبقي معاك وماسكه فيك علشان إنت عندك المصلحه”.
وتابعت: “لكن لو المصلحة دي خلصت منك هما مش هايسيبوك تعيش .. لازم يبذلوا أقصي مجهود ممكن يبذله إنسان لتدمير إنسان تاني .. هنا بقي بيحصل إيه”.
وأكملت: “يمكن إللي بحققه يكون ف نظر ناس كتير بسيط ومش مهم .. لكن بالنسبالي أنا كبير جدا، لإن أنا لوحدي إللي عارفه قد إيه المشوار كان صعب ومتعب وكله شقي، ف أنا بتمني إن أي حد قابل ناس مؤذية وشريرة ف حياته ياخد مني عبرة، علشان أخطر حاجه ممكن يتعرضلها أي بني آدم إنه يآمن ناس خاينين ويكرم إنسان لئيم”.
واختتمت: "ممتنة جدًا لله إنه دايما يطبطب علي قلبي مهما زادت الشده وكبرت المحنة، وأتمني يارب إن إللي جاي ف حياتي يكون أطيب وأحن
من اللي فات، الحمد لله الحمد لله الحمد لله".
