مها الصغير تخرج عن صمتها وترد على الانتقادات التي وجهت ل ياسين السقا
حلّت الإعلامية مها الصغير زوجة الفنان أحمد السقا ضيفة في برنامج الستات مابيعرفوش يكدبوا، وتحدثت من خلال هذا اللقاء عن دور ابنها ياسين في مسلسل سيد الناس، وخرجت عن صمتها لترد على الانتقادات التي وجهت ل ياسين السقا عن دوره.
تعليق مها الصغير على الانتقادات التي وجهت لابنها ياسين السقا
وردت مها الصغير عن الانتقادات قائلة: “مبدائيًا هو لو كان اسمه ياسين عبد السلام مكنش حد اتكلم .. أنا شوفت أن هو عمل دور بسيط جدًا .. الدور مفيهوش مساحة تمثيل كبيرة .. يادوب جمل قليلة قصيرة .. منقدرش نحكم من خلاله أن هو ممثل شاطر أو ممثل مش شاطر .. الهجوم الرهيب ده ولا كأنه هو بطل المسلسل .. هو واخد دور واحد جاي من انجلترا وهيعيش مع أهله في القاهرة تحديدًا في منطقة السبتية .. الكلام قليل وبسيط .. ولا عوج لسانه ولا حاجة .. كان في مشهد مع الفنانة الجميلة بشرى بيتكلموا فيه انجليزي .. بس هي جملة .. ودي الواقعية لأنه اتولد وعاش طول حياته في انجلترا طبيعي يبقى بيتكلم انجليزي".
واستكملت مها الصغير تنصح الجمهور: "المفروض الجمهور يبقى عنده وعي .. ويخرج برا أن هو ابنه فهو دخله المجال وبيفرضه .. في ولاد فنانين كتير موهوبين زي إيمي ودنيا سمير غانم موهوبين جدًا .. أحمد السعداني .. أحمد الفيشاوي .. فنانين كتير هما ولاد فنانين في الأساس .. وده الطبيعي لأنه متربي في بيت فني .. أو بيت فيه فنان .. الأوقع أنه يشتغل في الفن .. مش لازم التمثيل بالتحديد .. عادة الطبيب بيبقى ابنه طبيب .. وهكذا المهندس .. بتلاقيه طالع زي عيلته لأنها في الجينات .. براحة على الناس خاصة الشباب اللي بتحاول تطلع وتثبت نفسها .. بلاش ننقد نقد قليل الأدب .. المفروض ننقد بشكل فيه وعي”.
أبطال مسلسل سيد الناس
ويعتبر مسلسل سيد الناس من بطولة عمرو سعد، إلهام شاهين، أحمد زاهر، أحمد رزق، ريم مصطفى، خالد الصاوي، إنجي المقدم، أحمد رزق، نشوى مصطفى، منة فضالي، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي على، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي، ومن إنتاج شركة سيدرز آرت برودكشن "صباح إخوان".
