أميرة أديب: اترفضت في أدوار كتير عشان مناخيري كبيرة

حلّت الفنانة الشابة أميرة أديب في برنامج الراديو بيضحك الذي تقدمه الإعلامية فاطمة مصطفى، وتحدثت عن أزمات مرت بها وعن معايير الجمال بالنسبة لها، وعن كواليس مسلسلها الأخير عايشة الدور.

أميرة أديب تتحدث عن تعرضها للتنمر

وجهت الإعلامية فاطمة مصطفى سؤالًا عن لماذا لا يوجد معايير محددة في الفتيات التي ظهرت في أغنية كارت محروق التي غنتها أميرة أديب، لترد عليها أميرة بأن هذا هو هدفها أن كل فتاة تشاهد الفيديو ترى نفسها في إحدى الفتيات، لأن لا توجد فتاة كاملة من مقاييس الجمال، فالموضوع نسبي، وذكرت أميرة أديب مواقف من حياتها تعرضت بها للتنمر، حيث قالت: “أنا نفسي بتعرض للتنمر عشان مناخيري كبيرة .. في أدوار كتير اترفضت فيها عشان مناخيري كبيرة .. مش عايزة معايير جمال محددة هي اللي تتحكم فيا .. حتي في شغلي بحط كل حاجة طبيعية .. أنا اتعرضت ل ده وحاسة بيهم .. مخرجين قالوها في وشي أني منفعش عشان مناخيري كبيرة .. وكان عندي حلين .. يأما أروح أعمل فيلر وانفخ شفايفي .. أو أخلي الناس تتنمر عليا شوية .. على الأقل في بنت شبهي هتشوف أني متقبلة الكلام ده فهتشوف أن أحنا تمام .. التعليقات السلبية بتضايقني كتير .. لكن بفضل اقول لا أنا مش هقع في الحتة دي .. جايز في يوم من الأيام أضعف وأعمل فيلر .. المهم أعمل اللي يرضيني مش يرضي الناس .. عشان كده في كارت محروق اختارت كل البنات بكل المقاييس".

كواليس مشاركة أميرة أديب في مسلسل عايشة الدور

وعن دورها في مسلسل عايشة الدور، قالت الفنانة أميرة أديب: “ كنت قاعدة عادي .. وجاتلي مكالمة من أستاذ خيري وقالي أحنا بنعمل حاجة ل رمضان .. وأنا اتعرض عليا حاجات كتير قبليها ومتوفقتش فمكنتش متحمسة .. قالي مع دنيا سمير غانم وأحمد الجندي .. اتحمست علطول لما سمعت أسمائهم .. واستاذ أحمد عايز يقابلك بكرة .. روحت لأستاذ أحمد .. وقالي أن المسلسل بطولة دنيا سمير غانم .. وأنا هلعب صاحبتها .. فأنا استغربت صاحبتها ازاي .. وبعدين حكالي القصة والشقلبة .. فقولتله خلاص تمام ماشي”.

أبطال مسلسل عايشة الدور

ويعد مسلسل عايشة الدور من بطولة كبار الفنانين، وأبرزهم: دنيا سمير غانم، عمر الشناوي، رحاب الجمل، ليلى عز العرب، نور محمود، فدوى عابد، أحمد عصام، أميرة أديب، أحمد فاضل، محمد عمرو الليثي، فرح عزت، چويا، ماجد القلعي، عبدالرحمن ظاظا، محمد مغاوري، أمجد الحجار، والطفلين سليم مصطفى وريتال عبدالعزيز، ومن تأليف كريم يوسف وأحمد الجندي، إخراج أحمد الجندي، وإنتاج محمد أحمد السبكي.