بعد طلاقها من عصام صاصا .. جهاد أحمد : اللي هيتطاول بالكلام هقدم ضده بلاغ
أعلنت جهاد أحمد طليقة الفنان عصام صاصا عن نيتها في تقديم بلاغات حكومية ضد كل من يتطاول عليها بالكلام ، مشيرة إلى استعدادها التام لتقديم ألف بلاغ يومي .
وكتبت جهاد طليقة عصام صاصا عبر صفحتها الشخصية على موقع التواصل الإجتماعي إنستجرام : أنا منفصله بقالي كتير على فكرة مش علشان امبارح كنت بسلم على صحابي وكل واحد فيهم معاه مراته أو خطيبته .
وأضافت : وأعلنت دلوقتي عشان في ناس كتير بتسأل جوزك فين فا قولت أريحكم خالص واعرفكوا ان هو مبقاش في حياتي ولا أنا موجوده في حياته .
وتابعت : مش عشان تاخدو الموضوع ترند يا عالم يا مريضه بس يلا بينا قلة أدب بقلة أدب واللي هيطلع يتعدى في كلامه ويتطاول بالكلام فوق ان هو بيوصل الخبر أنا كمان هاخد كلام وهروح أقدم بلاغات حتى لو هعمل ألف بلاغ في يوم تمام .
أثارت البلوجر جهاد أحمد الجدل بمنشور غامض قبل ساعات من إعلان طلاقها من مطرب المهرجانات عصام صاصا، حيث كشفت فيه أنها عانت كثيرًا وكانت تتحمل، وهو ما يشير أن طلاقها من مطرب المهرجانات جاء بعد فترة من الخلافات الكبيرة بينهما.
لما اتقفل من شخص بمسحه من حياتي
وكتبت جهاد أحمد عبر حسابها بموقع إنستجرام: “طيب نقطة عشان أقفل أي باب لكلام وإشاعات، أنا شخصيتي كده وهتفضل كده.. أنا ممكن أتعامل مع شخص وهو فيه عيوب الدنيا وما يفرقليش هو وحش ولا حلو بس لما بقفل منه بيتشطب من حياتي ومش بيرجع تاني.. من الآخر بيبقي هوا بالنسبة لي عيني مش بتشوفه مهما كانت غلاوته كبيرة عندي. اتقفلت منه يعني أتمسح من حياتي.. دي أنا ودا اللي يريحني أنا فمحدش يضايقوا حاجة أنا مختارها في حياتي أنا”.
محدش حس بوجعي وكنت عايشة بالمهدئات
وأضافت جهاد أحمد: "وبلاش تخلوني أتكلم في حاجات أنا مش حابة أتكلم فيها واخليكم تكرهوا ناس ممكن تكونوا بتحبوها، أنا مرضاش حد يحس الوجع الي أنا حسيته ويتخذل في أي شخص بيحبوا سواء كان صاحب أوحبيبي أو من دمك، فخليها تمشي كده أحسن واللي مش عاجبه شخصيتي في حاجة اسمها بلوك، أنا محدش تعب مكاني ولا عايش بمهدئات مكاني ولا بيضحك لمجرد أن الناس متزهقش لما تشوفني ولا عايش ميت زي، فانسكت ونشد كرسي ونتفرج بس لأني عمري ما دخلت حياة شخص واذيته دايما كنت إضافة الحمد لله وفي كثير منكم يشهدلي بده ولكن أنا اتاخد مني نفسي ودا مش قليل".
