أنا في صدمة.. حبيبة النجار تكشف سبب انفصالها عن خطيبها للمرة الثانية
أثارت البلوجر حبيبة النجار جدلا واسعا على وسائل التواصل الاجتماعي، بعد إعلان انفصالها عن خطيبها أحمد سليم بعد شهرين فقط من ارتباطهما.
وكشفت عن السبب وراء انفصالهما مؤكدة عن احترامها لقراره وكتبت عبر حسابها الشخصي بانستجرام: “بكل هدوء أتنمى محدش يضايق سليم بكلامه الشخص ده انتوا بتحبوه والحب شعور عادي يتزرع ويتنزع قلوبنا بين يدين الله ده قضاء تقيل لازم نسلم بيه،، هحترم موقفه أنه كان صريح وصارحني وارد تبقي نظرة من حد مباركش وارد يكون أذى لسه معرفناهوش، أنا لحد دلوقتي معنديش إدراك لصعوبة الموقف ازعلوا عليا ومعايا براحتكوا ومقدرة حبكوا ليا عشان شوفتوا قسوه كذا ابتلاء ليا ورا بعض، بس متلوموش حد كان وارد أكون أنا اللي مكانه وأنا الي معرفش أحبه وأنا اللي أمشي زي م كلكوا توقعتوا هعمل كدا واني بتخطي فتره ف حياتي بيه بس و اللّٰه العظيم ما حصل”.
وتابعت: طولو قولت السبب ليكوا ف عز زعلي وقهرتي اعذروني فعلا انا مش مصدقه عشان انا ف صدمه و حقي عشان ظنون الناس وتوقعاتهم مبترحمش ف حقي ف الدفاع عن نفسي اقول ان السبب مكنش انا وارد يكون الي وصلنا لهنا ضغوط بقا مشاكل اذي حقيقي انا معرفش، الأحداث الى بتحصل او التسلسل بتاعها عموما".
وأضافت: “سيبوا كل طرف يرجع لحياته الطبيعيه وادعوا لكل حد فينا محدش يلوم حد وارد نرجع و وارد لاف اتمني محدش يزعله وفالاول و الاخر احنا فالاساس صحاب متنسوش دا ولا احنا هننساه ولو رجع بيا الزمن الف مره كنت هختاره برضو، وانا مش زعلانه علي اي حاجه الا علي ان التغيير و الاحداث دي كلها حصلت ف وقت مفاجيء جدا، معتقدش انتوا شوفتوني زعلانه كدا ولا مره ف اي حاجه بس يستاهل يتزعل عليه”.
وأتمت: “المره الوحيده بس الي بعترف فيها اني مقهوره مش زعلانه عادي، مليش قلب اكتبها صريحه انا عايزه القدر يتغير فعلا من قلبي مش عايزه أسلم وأقول أنه خلاص”.
انفصال حبيبة النجار المرة الأولى
الجدير بالذكر أن حبيبة كانت قد انفصلت سابقًا عن خطيبها أحمد غريب قبل حوالي ستة أشهر، بعد قصة حب لاقت تفاعلاً واسعًا على منصات التواصل الاجتماعي. تميز انفصالهما بالاحترام المتبادل، حيث طلبا من المتابعين حذف أي صور تجمعهما معًا.
