كارثة طبيعية الحلقة 7.. شروق ومحمد يريدان الحديث عن مشكلتهما في لقاء تلفزيوني
شهدت الحلقة السابعة من مسلسل كارثة طبيعية بطولة الفنان محمد سلام العديد من الأحداث، على رأسها ظهور محمد وشروق في برنامج تلفزيوني للحديث عن إنجابهما لسبعة أطفال، وهو الأمر الذي يسعد محمد على أمل أن يسمع أحد قصتهما ويساعدهما في ظل الضائقة المادية التي يعانيان منها.
شهدت الحلقة مكالمة من الطبيبة التي أنجبت شروق وأخبرتها بأنها وزوجها سوف يظهرون في لقاء تلفزيوني للحديث عن المعاناه مع أبنائهم.
وبعد استضافة شروق ومحمد في البرنامج يتفاجئ كل منهما أن المذيعة لا تريد أن يتحدث أحد منهما عن المشاكل التي يواجهونها ولكنها تريد أن تتناول الحلقة في شكل لذيذ ومبهج.
وجاء الحوار خلال اللقاء كالآتي:
المذيعة رانيا منصور: ممكن تقولي إيه إحساسك لما عرفت إن انت هتكون أب لسبع توائم؟ ويا ترى إيه المشاكـل اللي واجهتكوا؟
محمد: إحساس صعب يا أستاذة، يعني أنا في الأول اتصـدمت وفكرت أنزل الحمل من كتر الرعـب، بس ما عملتش كده طبعا عشان حرام. بس يعني حضرتِك إحنا عشان نوفر لهم احتياجاتهم الأساسية بس من لبن وبامبرز على الأقل 35,000 جنيه في الشهر، انتي متخيلة؟ وأنا مرتبي 7 تلاف جنيه وشروق
رانيا منصور: كات ، لا لا، إيه يا أستاذ الكلام الكئـيب ده؟ يا جماعة إحنا عايزين نعمل حلقة لذيذة.
.
محمد: ما هي دي مشاكلنا حضرتك، عايزاني أجاوب بإيه يعني؟
رانيا منصور: حضرتِك أنا لما سألتك عن المشاكل كان قصدي يعني المشاكل اللذيذة، مش المشاكل اللي بتقولها دي خالص.
محمد: إيه المشاكل اللذيذة دي؟
رانيا منصور: يعني مثلا مش بتعرفوا تناموا كويس، بتتخانقوا مين يشيل ده ومين يغير لده ، يعني الحاجات المضحكة اللذيذة دي.
محمد: أستاذة هدى، أنا لما جيت البرنامج بتاع حضرتك جيت عشان الكلام اللي أنا بقوله ده هو اللي يوصل للناس يوصل لمديري على الأقل، عشان يقدّر ظروفي اللي كل شوية مبيرضش يديني إجازة ويخصملي من غير سبب، للصيدلي والسوبر ماركت اللي كل يوم والتاني يغلي عليا سعر الحاجة، لصاحب البيت اللي زوّد عليا الإيجار فجأه لكل الناس دي، إحنا ما حدّش حاسس بينا خالص.
رانيا منصور: لا والله يا أستاذ، الكلام ده مش في البرنامج بتاعنا خالص. إحنا يا جماعة عايزين الحلقة تبقى مبهجة. إحنا جايبينكوا نحتفل بيكوا في سهرة لذيذة
رانيا منصور: عايزين نسلّي الناس مش ننكد عليهم. إحنا هنعيد كل اللي فات ده تاني، وهقولكوا الإجابات وهتجاوبوا بالإجابات اللي هاقولكوا عليها من غير ما تزودوا ولا كلمة. تمام
