لأول مرة.. محمد عبد الرحمن توتا يكشف تفاصيل أصعب محنة في حياته
قال الفنان الكوميدي محمد عبد الرحمن توتا، إن محنة المرض الذي تعرض لها غيرت حياته، معلقا: «أول حاجه فكرت فيها ولادي والناس اللي معايا كلهم، كنت تعبت في مرة وأنا بصور وأنا عندي السكر، وفجأة في يوم حصل كحة وترجيع وطلعت على المستشفى، فكرته دور برد بس طلع عندي القلب، بس الحمدلله كرم ربنا كبير».
أزمة القلب المفتوح
وأوضح، خلال لقائه ببرنامج «الستات»، المذاع على قناة «النهار»: «أنا وافقت أعمل قلب مفتوح بسرعة لأن مكانش في وقت أفكر، مفيش اختيار، وكان معايا أخويا أحمد وعطية، كنا مخبيين على آية مراتي شوية، وفهمناها إن الموضوع عادي دعامات وكده عشان متتخضش، وماما عرفت من علاء الشربيني في التلفزيون وتعبت جدا وقتها».
وتابع: «عملية القلب المفتوح من أصعب العمليات، التجربة دي غيرت فيا حاجات كتير في نمط حياتي، بقيت باخد بالي من أكلي، ودايما بحاول أكون أحسن».
في سياق متصل، قال الفنان الكوميدي محمد عبد الرحمن توتا، إن الكوميديا فيها شئ من التنمر بنسبة 80%، مضيفا: «دخلت في تانية ثاني علمي علوم وأخدت أحياء بدل الكيمياء وصعبتها على نفسي أكتر وكنت طالب متفوق ودحيح».
وأوضح، خلال لقائه ببرنامج «الستات»، المذاع على قناة «النهار»: «في ثانوي بعد المذاكرة والإرهاق والسهر جبت 85%، يعني لو كان في معهد لكلية طب كنت دخلته، لكن كلية طب نفسها مستحيل أدخلها بالمجموع دا».
أحلام الطفولة
في سياق متصل، تحدث الفنان الكوميدي محمد عبد الرحمن «توتا» عن أحلامه خلال فترة الطفولة، قائلا إنه كان يحلم أن يعمل طيارا، لكن خلال أحلام فترة الثانوية تمنى أن يكون صيدلي، معلقا: «الإعلانات جتلي وأنا صغير جدا كان عندي 7 سنوات كنت بجيب فينو لأمي وواحد بصلي كده وقالي مش عايز تعمل إعلانات؟ قولتله اه عادي».
من فينو إلى الإعلان
وأضاف، خلال لقائه ببرنامج «الستات»، المذاع على قناة «النهار»: «بعدها روحت لماما البيت وقولتلها اللي حصل قالتلي بص يا محمد احنا مش بتوع الحاجات دي خالص، وذاكر وشهادتك وبتاع ومفيش الكلام دا، فطبعا الموضوع نور لمية جوايا وأنا كمان كنت بحب الإعلانات أوي، كمان الإعلانات زمان كانت حلوة والأغاني كانت حلوة غير دلوقتي».
