كزبرة يرد على أنباء تسببه في اعتذار المؤلف ولاء الشريف عن مسلسل بيبو
نفى الفنان أحمد بحر الشهير بـ كزبرة ما تم تداوله من أخبار تزعم أنه تسبب في اعتذر المؤلف ولاء الشريف عن مسلسل بيبو بسبب تدخلاته في السيناريو.
وكتب كزبرة عبر حسابه بموقع فيسبوك: “والله يجدعان كنت نايم ولاقيت ما شاء الله الأخبار دي نازلة عليا زي الرز وحتى المؤلف أستاذ ولاء الشريف طلع مايعرفش حاجة عن الكلام ده وطبعا أنا استأذنته ارفع الاسكرين شوت دي ومش هاقولها تاني وفروا فلوس اللجان والحملات وطلعوها لله احسن وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ”.
ودعم عدد من المتابعين كزبرة في التعليقات حيث كتبت أمل السيد: “اتمنو الخير لغيركم يا جماعة ماله كزبرة بني آدم عرف يحقق ذاته ويبقي فنان معروف وكل اللي ابتدوا كده والناس هاجمتهم دول اللي بينجحوا زي محمد رمضان كده في بدايته ناس كتير كانت بتهاجمه ليه مبقيناش نفرح من قلوبنا للناس زي الأول عشان ربنا يكرمكم زيه ارحموا من في الأرض يرحمكم من في السماء”.
وكتب أشرف شرف: “بص يا اسطى أنا شفت البوسترات بتاعة رمضان نازلة وأول ما شفت بوستر بتاع مسلسل بيبو قسما بالله قلت ده اللي هيكتسح رمضان السنة دي فأنت هتلاقي كمية لجان طالعةعشان تسقط لك المسلسل ده عشان عارفين إن أنت هتحط على ناس تقيلة بالتوفيق يا صاحبي وربنا يعينك”.
يخوض الفنان أحمد بحر في الموسم الرمضاني المقبل بمسلسل لأول مرة من بطولته، من إنتاج سعدي جوهر، بينما يتولى إخراجه عبدالرحمن أبوغزالة، ويحضر كزبرة أيضًا لعمل سينمائي من بطولته من المقرر أن يبدأ تصويره قريبًا.
