أبلة فاهيتا تكشف أسرار مطبخها: "بطبخ بس للراجل اللي بحبه"

قالت أبلة فاهيتا خلال لقائها مع الإعلامي عمرو أديب في برنامج «الحكاية» على شاشة MBC مصر: «أنا مش بطبخ غير للراجل اللي بحبه، وبعمل له من كل الأنواع، سوشي واستيك وبيكاتا، وحسب هو كمان مطبخه إيه،  والطلاينة بقى مبطبخلهمش إيطالي، أطبخلهم ياباني، والعكس صحيح».

وأضافت أبلة فاهيتا بأسلوبها الفكاهي المعتاد أنها تحب تجربة كل أنواع المأكولات وتطبخ بحسب تفضيلات الشخص الذي تهتم لأمره، مما يعكس جانبًا شخصيًا من حياتها بعيدًا عن الأضواء.

وتابعت أبلة فاهيتا خلال لقائها مع الإعلامي عمرو أديب في برنامج «الحكاية» على شاشة MBC مصر: «أنا مش بصرف الفلوس، ولكن بستثمرهم، بستثمر في نفسي، آخد كورسات، أعمل عمليات، أظبط الحاجات، زي ما تقول، بأسس البنية التحتية في انتظار المستثمر الأجنبي».

جت اللي هتاخد منك المشاهد

وقالت أبلة فاهيتا عن برنامجها الجديد «ليلة فونتاستيك»: «جت اللي هتاخد منك المشاهد والإسبونسر، هعمل شغل عالي جدًا في البرنامج يكون عبارة عن أخبار، هدايا، واستعراضات، وناس معروفة ومش معروفة، يعني حاجة ديمقراطية على الآخر».

وأكدت أبلة فاهيتا أنها ستقدم البرنامج كل ليلة سبت الساعة 9 مساءً، قائلة: «إنت تنكد عليهم طول الأسبوع وأنا أفرفشهم يوم السبت».

وأكد أبلة فاهيتا أن البرنامج سيكون «شغل عالي جدًا» ويتضمن أخبارًا، هدايا، واستعراضات، بالإضافة إلى حضور شخصيات معروفة وغير معروفة، مؤكدة أن الفكرة ستكون «حاجة ديمقراطية على الأخر» لجعل البرنامج ممتعًا ومتنوّعًا لجميع المشاهدين.

وكشفت الشخصية الساخرة أبلة فاهيتا جانبًا من حياتها العاطفية، قائلة إن أول حب لها كان مع المرحوم، وتعرفت عليه في النادي، مضيفة: «كنت هنزل البسين فشاف سمانتي فحبني واتجوزني».

الست لازم تبقى ناعمة

وتطرقت أبلة فاهيتا إلى نظرتها للأدوار الاجتماعية بين الرجل والمرأة، مؤكدة على أهمية النعومة والحنان عند المرأة، وقالت: «الست لازم تبقى ناعمة ورقيقة وتحتضن الراجل، والمجتمع دائمًا يطلب من الراجل كتير أن يكون ملتزمًا، ناجحًا، يصرف، يخلف، ومتخونش».