أسما إبراهيم: «ضعفت وقت الانفصال.. والدوبامين عندي بيعلى لما بنجح في شغلي»
كشفت الإعلامية أسما إبراهيم عن تفاصيل حياتها الشخصية وتجربتها مع العمل والأسرة خلال استضافتها في بودكاست مع الإعلامي حسام المراغي، مؤكدة أن شعورها بالسعادة يرتبط بالنجاح في العمل وقضاء الوقت مع أطفالها.
وقالت أسما: «هرمون الدوبامين بيعلى لما بنجح في شغلي، بحس إني سعيدة أوي، وكمان لما بقعد مع أولادي وألعب معاهم، عندي آدم 6 سنين ومليكة 8 سنين».
شخصيتي في الحقيقة مختلفة تماما عني كمذيعة،
وأضافت: «شخصيتي في الحقيقة مختلفة تماما عني كمذيعة، وحبيت فكرة البودكاست لأنهم حاولوا يشرسوني شوية واتشرست فعلا».
وتحدثت أسما إبراهيم بصراحة عن فترة انفصالها قائلة: «حسيت إني ضعيفة لما كنت منفصلة عن زوجي، مكنتش متزنة نفسيا زي دلوقتي، ولما انفصلنا كنت صغيرة، أي كلمة كان بيقولها كنت بصدقها».
أهم نصيحة مسمعش كلام حد
وأكدت أنها تعلمت من التجربة قائلة: «النصيحة اللي بقولها لنفسي دايما متسمعيش كلام حد ومتدخليش حد في حياتك زيادة عن اللزوم، اللي بيسمع كلام حد المفروض يكون عنده عقل ويفكر، وميسيبش حد يلعب في دماغه».
واختتمت حديثها قائلة: «فترة الانفصال كانت صعبة جدا، كنت حاسة بحاجة نقصاني، ومكنتش بنفس القوة اللي أنا فيها دلوقتي، وأنا معملتش حاجة، هو اللي عمل ورجعني وبقينا مع بعض».
وفي وقت سابق ،وجهت الإعلامية أسما إبراهيم رسالة حادة عبر منشور على موقع «إنستجرام»، تتطالب فيها بعدم التدخل في حياة الآخرين.
وقالت أسما في منشورها: «ليه بتحبو تشيله ذنوب على الفاضي ليه بتحبو تاخدوا اللقطة وخلاص حتى لو على حساب حد تاني عادي».
وتابعت بقولها: «أكيد حياة كل واحد فينا فيها اللي يشغله أكتر من التركيز في حياة الناس وأننا نطلق الأحكام على الآخرين كفاية بقى ».
حرصت الإعلامية أسما إبراهيم على تقديم التهاني للنجمة مي عز الدين وزوجها رجل الأعمال والصيدلاني أحمد تيمور، بعد إعلان زواجهما أمس.
وكتبت أسما إبراهيم عبر حسابها بموقع إنستجرام من خلال خاصية الاستوري: “مبروك حبيبتي ربنا يسعدكم”.
وفي وقت سابق، ظهرت الإعلامية أسما إبراهيم برفقة زوجها ووالد أبنائها محمد الخشن خلال تأديتهم مناسك العمرة، في ظهور لافت جذب المتابعين عبر مواقع التواصل الاجتماعي المُختلفة.
ونشرت أسما صورتها رفقة زوجها، عبر حسابها على موقع التواصل الاجتماعي "إنستجرام"، معلّقة عليها: "اللهم لك ألف حمد وشكر".
