مسلم: "انتي طالق يا يارا" يثير الجدل في برومو "تابوو"
أثار المطرب مسلم الجدل بعد ظهوره في برومو حلقته مع الإعلامي نزار الفارس ببرنامج "تابوو"، المذاع عبر قناة "دجلة"، بسبب تصريحاته الجريئة حول حياته الشخصية والفنية.
وقال مسلم خلال البرومو: “انتي طالق يا يارا على الهواء، ولو يوم من الأيام اتقالي هتدخل الجنة ولا تصالح أختك، لا هدخل النار” .
وأضاف: "هي أختي حبت الموضوع والشهرة وإن القنوات تكلمها وتستضيفها"، مشددا على أنه لا ينوي الزواج من الوسط الفني، قائلا: "أنا مش هتجوز من الوسط الفني، مش هلاقي حد شبهي، ومش هقدر أشوف واحدة بتتباس وتتحضن، أنا مليش في الحاجات دي".
كما علق على الجدل الدائر حول علاقته بالمطرب عمر كمال قائلًا: "أنا مش هضيع من وقتي وأتكلم عن عمر كمال، ليه هو عمر خيرت؟"
ومن المقرر عرض الحلقة عبر قناة دجلة غدا الجمعة الموافق ١٤ نوفمبر.
وفي وقت سابق ،شارك مطرب المهرجانات مسلم فيديو من العرض الخاص لفيلم قصر الباشا والذي يشارك بالغناء فيه.
وعلق مسلم على الفيديو وكتب: “هفضل أعمل في أعمال واشتغل علي نفسي علشان كل الي كان مستني وقعتي متفرحش اووي جيلك قريب”.
جاء ذلك بعد أيام من إعلانه السفر خارج مصر، بسبب أزمة منعه من العمل، حيث قال خلال فيديو على صفحته بموقع فيس بوك: قررت امشي من البلد وهبيع كل حاجة في الشقة وهتكل على الله لأني مش عارف أمارس شغلي، ولأني مش عارف اشتغل في بلدي، وهبدأ من بكره أشوف حد يشتري حاجتي، ومش عاوز أي حاجة تاني، أنا اتعرضت لظلم كبير من منتج ومن ناس ومن أهل ومن نقابة، وبقالي سنة مش عارف أصرف على بيتي وناس معايا في الفرقة فيهم اللي بيغسل كلى وأنا مش قادر أساعدهم ومفيش حاجة في ايدي اعملها وفلوسي قربت تخلص وكسرة الرجال صعبة.
واستكمل مسلم: مفيش أمل والعيب مش في المحكمة ولا في بلدي العيب في الناس اللي بتقدر تمشي كل حاجة بدماغها وبالواسطة وترشي الناس، فانا قررت أمارس مهنتي بره طالما مش قادر أحقق حلمي في بلدي، واللي كان بيتمنى اني أتدمر انبسط أنا اتدمرت بما فيه الكفاية، وأنا كده كده كنت عارف اني هتحارب لحد آخر يوم في عمري، وفي ناس أقوى من أي حد بيدوسوا على غيرهم، ويقعدوهم في بيوتهم ويجيبولهم أمراض.
وكان مصطفى كامل قد طلب من مسلم أن يحل مشكلاته مع الشركات المتنازع معها حتى يستطيع أن يعود لعمله.
