العربية بـ مليون و800.. سعد الصغير يوضح حقيقة جمع تبرعات لأسرة إسماعيل الليثي
نفى الفنان سعد الصغير، ما تداولته بعض المواقع الإلكترونية وصفحات مواقع التواصل الاجتماعي من تصريحات منسوبة له حول سيارة الفنان الراحل إسماعيل الليثي، مؤكدًا: "ما نشر عن جمع تبرعات بقيمة مليون و800 ألف جنيه غير صحيح تمامًا".
وأوضح سعد الصغير عبر مقطع فيديو على صفحته الرسمية على “فيسبوك”: أنا قولت إن العربية اللي الليثي رحمه الله عمل بيها الحادثة ثمنها مليون و800 ألف جنيه، وهي مش بتاعته"، نافيًا أن يكون قد دعا لجمع هذا المبلغ أو تحدث عن تبرعات من أي نوع.
وأضاف أن صاحب السيارة غير مصري، وأنه تم التواصل معه من خلال أدهم شقيق إسماعيل الليثي، الذي أنهى الأمر، مؤكدًا: "صاحب العربية زوق، وساب جزء من تمنها، والموضوع خلص الحمد لله ومقبلناش حاجة، وربنا يخلي أدهم هو اللي خلص الموضوع".
وكان الصغير، قد كشف كواليس وفاة المطرب الشعبي إسماعيل الليثي، مشيرًا إلى أن السيارة التي كان يستقلها الراحل قبل الحادث لم تكن ملكه.
وأوضح سعد الصغير خلال مداخلة هاتفية ببرنامج كلمة أخيرة على قناة ON: “مكانتش عربيته كان هيشتيرها من حد، وبعض المواقع كتبت إننا بنلم فلوس علشان نجمع حقها، لكن ده مش صح، ومش بنلم فلوس وصاحب العربية كلمني وهو مش مصري وقال لي يا سعد اللي عاوزين تدفعوه ادفعوه، ولو مش عاوزين تدفعوا مش مشكلة”.
وناشد الصغير زملائه المطربين بمساعدة أسرة إسماعيل الليثي، قائلًا:"بعد أحمد عامر قالوا هنعمل ونسوي ومحدش عمل حاجة وبيتكلموا بس وخلاص، وأنا كنت بقترح نعمل جروب ونلم مساعدات، وفيه ناس تقول هل هو محتاج، لكن إحنا في الفلاحين كده لو لمينا مبلغ على الأقل نسد تمن العربية ويبقى عملنا معاه حاجة، لأن أحمد عامر محدش عمله حاجة ولا حد دفع جنيه لأسرته، إحنا كلامنجية وبنعيط فقط".
